𑒬𑓂𑒩𑒲𑒑𑒝𑒹𑒬𑒰𑒨 𑒢𑒧𑓁 ।
𑒧𑒠𑒰𑒮𑒳𑒩𑓀 𑒮𑒳𑒬𑒰𑒢𑓂𑒞𑓀 𑒫𑒻 𑒠𑒵𑒭𑓂𑒙𑓂𑒫𑒰 𑒫𑒱𑒭𑓂𑒝𑒳𑒧𑒳𑒐𑒰𑓁 𑒮𑒳𑒩𑒰𑓁 ।
𑒦𑒵𑒑𑓂𑒫𑒰𑒠𑒨𑒬𑓂𑒔 𑒧𑒳𑒢𑒨 𑒋𑒏𑒠𑒢𑓂𑒞𑓀 𑒮𑒧𑒰𑒨𑒨𑒳𑓁 ॥ 𑓑॥
𑒧𑒠𑒰𑒮𑒳𑒩𑓀 𑒮𑒳𑒬𑒰𑒢𑓂𑒞𑓀 𑒫𑒻 𑒠𑒵𑒭𑓂𑒙𑓂𑒫𑒰 𑒫𑒱𑒭𑓂𑒝𑒳𑒧𑒳𑒐𑒰𑓁 𑒮𑒳𑒩𑒰𑓁 ।
𑒦𑒵𑒑𑓂𑒫𑒰𑒠𑒨𑒬𑓂𑒔 𑒧𑒳𑒢𑒨 𑒋𑒏𑒠𑒢𑓂𑒞𑓀 𑒮𑒧𑒰𑒨𑒨𑒳𑓁 ॥ 𑓑॥
𑒣𑓂𑒩𑒝𑒧𑓂𑒨 𑒞𑓀 𑒣𑓂𑒩𑒣𑒴𑒖𑓂𑒨𑒰𑒠𑒾 𑒣𑒳𑒢𑒮𑓂𑒞𑓀 𑒢𑒹𑒧𑒳𑒩𑒰𑒠𑒩𑒰𑒞𑓂 ।
𑒞𑒳𑒭𑓂𑒙𑒳𑒫𑒳𑒩𑓂𑒯𑒩𑓂𑒭𑒮𑓀𑒨𑒳𑒏𑓂𑒞𑒰 𑒋𑒏𑒠𑒢𑓂𑒞𑓀 𑒑𑒝𑒹𑒬𑓂𑒫𑒩𑒧𑓂 ॥ 𑓒॥
𑒞𑒳𑒭𑓂𑒙𑒳𑒫𑒳𑒩𑓂𑒯𑒩𑓂𑒭𑒮𑓀𑒨𑒳𑒏𑓂𑒞𑒰 𑒋𑒏𑒠𑒢𑓂𑒞𑓀 𑒑𑒝𑒹𑒬𑓂𑒫𑒩𑒧𑓂 ॥ 𑓒॥
𑒠𑒹𑒫𑒩𑓂𑒭𑒨 𑒆𑒔𑒳𑓁
𑒮𑒠𑒰𑒞𑓂𑒧𑒩𑒴𑒣𑓀 𑒮𑒏𑒪𑒰𑒠𑒱-𑒦𑒴𑒞𑒧𑒧𑒰𑒨𑒱𑒢𑓀 𑒮𑒼𑓄𑒯𑒧𑒔𑒱𑒢𑓂𑒞𑓂𑒨𑒥𑒼𑒡𑒧𑓂 ।
𑒁𑒢𑒰𑒠𑒱-𑒧𑒡𑓂𑒨𑒰𑒢𑓂𑒞-𑒫𑒱𑒯𑒲𑒢𑒧𑒹𑒏𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓓॥
𑒮𑒠𑒰𑒞𑓂𑒧𑒩𑒴𑒣𑓀 𑒮𑒏𑒪𑒰𑒠𑒱-𑒦𑒴𑒞𑒧𑒧𑒰𑒨𑒱𑒢𑓀 𑒮𑒼𑓄𑒯𑒧𑒔𑒱𑒢𑓂𑒞𑓂𑒨𑒥𑒼𑒡𑒧𑓂 ।
𑒁𑒢𑒰𑒠𑒱-𑒧𑒡𑓂𑒨𑒰𑒢𑓂𑒞-𑒫𑒱𑒯𑒲𑒢𑒧𑒹𑒏𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓓॥
𑒁𑒢𑒢𑓂𑒞-𑒔𑒱𑒠𑓂𑒩𑒴𑒣-𑒧𑒨𑓀 𑒑𑒝𑒹𑒬𑓀 𑒯𑓂𑒨𑒦𑒹𑒠-𑒦𑒹𑒠𑒰𑒠𑒱-𑒫𑒱𑒯𑒲𑒢𑒧𑒰𑒠𑓂𑒨𑒧𑓂 ।
𑒯𑒵𑒠𑒱 𑒣𑓂𑒩𑒏𑒰𑒬𑒮𑓂𑒨 𑒡𑒩𑓀 𑒮𑓂𑒫𑒡𑒲𑒮𑓂𑒟𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓔॥
𑒯𑒵𑒠𑒱 𑒣𑓂𑒩𑒏𑒰𑒬𑒮𑓂𑒨 𑒡𑒩𑓀 𑒮𑓂𑒫𑒡𑒲𑒮𑓂𑒟𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓔॥
𑒫𑒱𑒬𑓂𑒫𑒰𑒠𑒱𑒦𑒴𑒞𑓀 𑒯𑒵𑒠𑒱 𑒨𑒼𑒑𑒱𑒢𑒰𑓀 𑒫𑒻 𑒣𑓂𑒩𑒞𑓂𑒨𑒏𑓂𑒭𑒩𑒴𑒣𑒹𑒝 𑒫𑒱𑒦𑒰𑒢𑓂𑒞𑒧𑒹𑒏𑒧𑓂 ।
𑒮𑒠𑒰 𑒢𑒱𑒩𑒰𑒪𑒧𑓂𑒥-𑒮𑒧𑒰𑒡𑒱𑒑𑒧𑓂𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓕॥
𑒮𑒠𑒰 𑒢𑒱𑒩𑒰𑒪𑒧𑓂𑒥-𑒮𑒧𑒰𑒡𑒱𑒑𑒧𑓂𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓕॥
𑒮𑓂𑒫𑒥𑒱𑒧𑓂𑒥𑒦𑒰𑒫𑒹𑒢 𑒫𑒱𑒪𑒰𑒮𑒨𑒳𑒏𑓂𑒞𑓀 𑒥𑒱𑒢𑓂𑒠𑒳𑒮𑓂𑒫𑒩𑒴𑒣𑒰 𑒩𑒔𑒱𑒞𑒰 𑒮𑓂𑒫𑒧𑒰𑒨𑒰 ।
𑒞𑒮𑓂𑒨𑒰𑓀 𑒮𑓂𑒫𑒫𑒲𑒩𑓂𑒨𑓀 𑒣𑓂𑒩𑒠𑒠𑒰𑒞𑒱 𑒨𑒼 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓖॥
𑒞𑒮𑓂𑒨𑒰𑓀 𑒮𑓂𑒫𑒫𑒲𑒩𑓂𑒨𑓀 𑒣𑓂𑒩𑒠𑒠𑒰𑒞𑒱 𑒨𑒼 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓖॥
𑒞𑓂𑒫𑒠𑒲𑒨-𑒫𑒲𑒩𑓂𑒨𑒹𑒝 𑒮𑒧𑒩𑓂𑒟𑒦𑒴𑒞𑒰 𑒧𑒰𑒨𑒰 𑒞𑒨𑒰 𑒮𑓀𑒩𑒔𑒱𑒞𑓀 𑒔 𑒫𑒱𑒬𑓂𑒫𑒧𑓂 ।
𑒢𑒰𑒠𑒰𑒞𑓂𑒧𑒏𑓀 𑒯𑓂𑒨𑒰𑒞𑓂𑒧𑒞𑒨𑒰 𑒣𑓂𑒩𑒞𑒲𑒞𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓗॥
𑒢𑒰𑒠𑒰𑒞𑓂𑒧𑒏𑓀 𑒯𑓂𑒨𑒰𑒞𑓂𑒧𑒞𑒨𑒰 𑒣𑓂𑒩𑒞𑒲𑒞𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓗॥
𑒞𑓂𑒫𑒠𑒲𑒨-𑒮𑒞𑓂𑒞𑒰𑒡𑒩𑒧𑒹𑒏𑒠𑒢𑓂𑒞𑓀 𑒑𑒝𑒹𑒬𑒧𑒹𑒏𑓀 𑒞𑓂𑒩𑒨𑒥𑒼𑒡𑒱𑒞𑒰𑒩𑒧𑓂 ।
𑒮𑒹𑒫𑒢𑓂𑒞 𑒂𑒣𑒳𑒮𑓂𑒞𑒧𑒖𑓀 𑒞𑓂𑒩𑒱𑒮𑓀𑒮𑓂𑒟𑒰𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓘॥
𑒮𑒹𑒫𑒢𑓂𑒞 𑒂𑒣𑒳𑒮𑓂𑒞𑒧𑒖𑓀 𑒞𑓂𑒩𑒱𑒮𑓀𑒮𑓂𑒟𑒰𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓘॥
𑒞𑒞𑒮𑓂𑒞𑓂𑒫𑒨𑒰 𑒣𑓂𑒩𑒹𑒩𑒱𑒞 𑒋𑒫 𑒢𑒰𑒠𑒮𑓂𑒞𑒹𑒢𑒹𑒠𑒧𑒹𑒫𑓀 𑒩𑒔𑒱𑒞𑓀 𑒖𑒑𑒠𑓂𑒫𑒻 ।
𑒂𑒢𑒢𑓂𑒠𑒩𑒴𑒣𑓀 𑒮𑒧𑒦𑒰𑒫𑒮𑓀𑒮𑓂𑒟𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓙॥
𑒂𑒢𑒢𑓂𑒠𑒩𑒴𑒣𑓀 𑒮𑒧𑒦𑒰𑒫𑒮𑓀𑒮𑓂𑒟𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓙॥
𑒞𑒠𑒹𑒫 𑒫𑒱𑒬𑓂𑒫𑓀 𑒏𑒵𑒣𑒨𑒰 𑒞𑒫𑒻𑒫 𑒮𑒧𑓂𑒦𑒴𑒞𑒧𑒰𑒠𑓂𑒨𑓀 𑒞𑒧𑒮𑒰 𑒫𑒱𑒦𑒰𑒞𑒧𑓂 ।
𑒁𑒢𑒹𑒏𑒩𑒴𑒣𑓀 𑒯𑓂𑒨𑒖𑒧𑒹𑒏𑒦𑒴𑒞𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓐॥
𑒁𑒢𑒹𑒏𑒩𑒴𑒣𑓀 𑒯𑓂𑒨𑒖𑒧𑒹𑒏𑒦𑒴𑒞𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓐॥
𑒞𑒞𑒮𑓂𑒞𑓂𑒫𑒨𑒰 𑒣𑓂𑒩𑒹𑒩𑒱𑒞𑒧𑒹𑒫 𑒞𑒹𑒢 𑒮𑒵𑒭𑓂𑒙𑓀 𑒮𑒳𑒮𑒴𑒏𑓂𑒭𑓂𑒧𑓀 𑒖𑒑𑒠𑒹𑒏𑒮𑓀𑒮𑓂𑒟𑒧𑓂 ।
𑒮𑒞𑓂𑒞𑓂𑒫𑒰𑒞𑓂𑒧𑒏𑓀 𑒬𑓂𑒫𑒹𑒞𑒧𑒢𑒢𑓂𑒞𑒧𑒰𑒠𑓂𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓑॥
𑒮𑒞𑓂𑒞𑓂𑒫𑒰𑒞𑓂𑒧𑒏𑓀 𑒬𑓂𑒫𑒹𑒞𑒧𑒢𑒢𑓂𑒞𑒧𑒰𑒠𑓂𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓑॥
𑒞𑒠𑒹𑒫 𑒮𑓂𑒫𑒣𑓂𑒢𑓀 𑒞𑒣𑒮𑒰 𑒑𑒝𑒹𑒬𑓀 𑒮𑓀𑒮𑒱𑒠𑓂𑒡𑒱𑒩𑒴𑒣𑓀 𑒫𑒱𑒫𑒱𑒡𑓀 𑒫𑒦𑒴𑒫 ।
𑒮𑒠𑒹𑒏𑒩𑒴𑒣𑓀 𑒏𑒵𑒣𑒨𑒰 𑒞𑒫𑒰𑓄𑒣𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓒॥
𑒮𑒠𑒹𑒏𑒩𑒴𑒣𑓀 𑒏𑒵𑒣𑒨𑒰 𑒞𑒫𑒰𑓄𑒣𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓒॥
𑒮𑒧𑓂𑒣𑓂𑒩𑒹𑒩𑒱𑒞𑓀 𑒞𑒔𑓂𑒔 𑒞𑓂𑒫𑒨𑒰 𑒯𑒵𑒠𑒱𑒮𑓂𑒟𑓀 𑒞𑒟𑒰 𑒮𑒳𑒮𑒵𑒭𑓂𑒙𑓀 𑒖𑒑𑒠𑓀𑒬𑒩𑒴𑒣𑒧𑓂 ।
𑒞𑒹𑒢𑒻𑒫 𑒖𑒰𑒑𑓂𑒩𑒢𑓂𑒧𑒨𑒧𑒣𑓂𑒩𑒧𑒹𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓓॥
𑒞𑒹𑒢𑒻𑒫 𑒖𑒰𑒑𑓂𑒩𑒢𑓂𑒧𑒨𑒧𑒣𑓂𑒩𑒧𑒹𑒨𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓓॥
𑒖𑒰𑒑𑓂𑒩𑒞𑓂𑒮𑓂𑒫𑒩𑒴𑒣𑓀 𑒩𑒖𑒮𑒰 𑒫𑒱𑒦𑒰𑒞𑓀 𑒫𑒱𑒪𑒼𑒏𑒱𑒞𑓀 𑒞𑒞𑓂𑒏𑒵𑒣𑒨𑒰 𑒨𑒠𑒻𑒫 ।
𑒞𑒠𑒰 𑒫𑒱𑒦𑒱𑒢𑓂𑒢𑓀 𑒦𑒫𑒠𑒹𑒏𑒩𑒴𑒣𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓔॥
𑒞𑒠𑒰 𑒫𑒱𑒦𑒱𑒢𑓂𑒢𑓀 𑒦𑒫𑒠𑒹𑒏𑒩𑒴𑒣𑓀 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓔॥
𑒋𑒫𑓀 𑒔 𑒮𑒵𑒭𑓂𑒙𑓂𑒫𑒰 𑒣𑓂𑒩𑒏𑒵𑒞𑒱𑒮𑓂𑒫𑒦𑒰𑒫𑒰𑒞𑓂𑒞𑒠𑒢𑓂𑒞𑒩𑒹 𑒞𑓂𑒫𑓀 𑒔 𑒫𑒱𑒦𑒰𑒮𑒱 𑒢𑒱𑒞𑓂𑒨𑒧𑓂 ।
𑒥𑒳𑒠𑓂𑒡𑒱𑒣𑓂𑒩𑒠𑒰𑒞𑒰 𑒑𑒝𑒢𑒰𑒟 𑒋𑒏𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓕॥
𑒥𑒳𑒠𑓂𑒡𑒱𑒣𑓂𑒩𑒠𑒰𑒞𑒰 𑒑𑒝𑒢𑒰𑒟 𑒋𑒏𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓕॥
𑒞𑓂𑒫𑒠𑒰𑒖𑓂𑒘𑒨𑒰 𑒦𑒰𑒢𑓂𑒞𑒱 𑒑𑓂𑒩𑒯𑒰𑒬𑓂𑒔 𑒮𑒩𑓂𑒫𑒹 𑒢𑒏𑓂𑒭𑒞𑓂𑒩𑒩𑒴𑒣𑒰𑒝𑒱 𑒫𑒱𑒦𑒰𑒢𑓂𑒞𑒱 𑒐𑒹 𑒫𑒻 ।
𑒂𑒡𑒰𑒩𑒯𑒲𑒢𑒰𑒢𑒱 𑒞𑓂𑒫𑒨𑒰 𑒡𑒵𑒞𑒰𑒢𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓖॥
𑒂𑒡𑒰𑒩𑒯𑒲𑒢𑒰𑒢𑒱 𑒞𑓂𑒫𑒨𑒰 𑒡𑒵𑒞𑒰𑒢𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓖॥
𑒞𑓂𑒫𑒠𑒰𑒖𑓂𑒘𑒨𑒰 𑒮𑒵𑒭𑓂𑒙𑒱𑒏𑒩𑒼 𑒫𑒱𑒡𑒰𑒞𑒰 𑒞𑓂𑒫𑒠𑒰𑒖𑓂𑒘𑒨𑒰 𑒣𑒰𑒪𑒏 𑒋𑒫 𑒫𑒱𑒭𑓂𑒝𑒳𑓁 ।
𑒞𑓂𑒫𑒠𑒰𑒖𑓂𑒘𑒨𑒰 𑒮𑓀𑒯𑒩𑒏𑒼 𑒯𑒩𑒼𑓄𑒣𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓗॥
𑒞𑓂𑒫𑒠𑒰𑒖𑓂𑒘𑒨𑒰 𑒮𑓀𑒯𑒩𑒏𑒼 𑒯𑒩𑒼𑓄𑒣𑒱 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓗॥
𑒨𑒠𑒰𑒖𑓂𑒘𑒨𑒰 𑒦𑒴𑒩𑓂𑒖𑒪𑒧𑒡𑓂𑒨𑒮𑓀𑒮𑓂𑒟𑒰 𑒨𑒠𑒰𑒖𑓂𑒘𑒨𑒰𑓄𑒣𑓁 𑒣𑓂𑒩𑒫𑒯𑒢𑓂𑒞𑒱 𑒢𑒠𑓂𑒨𑓁 ।
𑒮𑒲𑒧𑒰𑓀 𑒮𑒠𑒰 𑒩𑒏𑓂𑒭𑒞𑒱 𑒫𑒻 𑒮𑒧𑒳𑒠𑓂𑒩𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓘॥
𑒮𑒲𑒧𑒰𑓀 𑒮𑒠𑒰 𑒩𑒏𑓂𑒭𑒞𑒱 𑒫𑒻 𑒮𑒧𑒳𑒠𑓂𑒩𑒮𑓂𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓘॥
𑒨𑒠𑒰𑒖𑓂𑒘𑒨𑒰 𑒠𑒹𑒫𑒑𑒝𑒼 𑒠𑒱𑒫𑒱𑒮𑓂𑒟𑒼 𑒠𑒠𑒰𑒞𑒱 𑒫𑒻 𑒏𑒩𑓂𑒧𑒤𑒪𑒰𑒢𑒱 𑒢𑒱𑒞𑓂𑒨𑒧𑓂 ।
𑒨𑒠𑒰𑒖𑓂𑒘𑒨𑒰 𑒬𑒻𑒪𑒑𑒝𑒼𑓄𑒔𑒪𑒼 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓙॥
𑒨𑒠𑒰𑒖𑓂𑒘𑒨𑒰 𑒬𑒻𑒪𑒑𑒝𑒼𑓄𑒔𑒪𑒼 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓑𑓙॥
𑒨𑒠𑒰𑒖𑓂𑒘𑒨𑒰 𑒬𑒹𑒭 𑒃𑒪𑒰𑒡𑒩𑒼 𑒫𑒻 𑒨𑒠𑒰𑒖𑓂𑒘𑒨𑒰 𑒧𑒼𑒯𑒣𑓂𑒩𑒠𑒬𑓂𑒔 𑒏𑒰𑒧𑓁 ।
𑒨𑒠𑒰𑒖𑓂𑒘𑒨𑒰 𑒏𑒰𑒪𑒡𑒩𑒼𑓄𑒩𑓂𑒨𑒧𑒰 𑒔 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓐॥
𑒨𑒠𑒰𑒖𑓂𑒘𑒨𑒰 𑒏𑒰𑒪𑒡𑒩𑒼𑓄𑒩𑓂𑒨𑒧𑒰 𑒔 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓐॥
𑒨𑒠𑒰𑒖𑓂𑒘𑒨𑒰 𑒫𑒰𑒞𑒱 𑒫𑒱𑒦𑒰𑒞𑒱 𑒫𑒰𑒨𑒳𑒩𑓂𑒨𑒠𑒰𑒖𑓂𑒘𑒨𑒰𑓄𑒑𑓂𑒢𑒱𑒩𑓂𑒖𑒚𑒩𑒰𑒠𑒱𑒮𑓀𑒮𑓂𑒟𑓁 ।
𑒨𑒠𑒰𑒖𑓂𑒘𑒨𑒰 𑒫𑒻 𑒮𑒔𑒩𑒰𑓄𑒔𑒩𑓀 𑒔 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓑॥
𑒨𑒠𑒰𑒖𑓂𑒘𑒨𑒰 𑒫𑒻 𑒮𑒔𑒩𑒰𑓄𑒔𑒩𑓀 𑒔 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓑॥
𑒮𑒩𑓂𑒫𑒰𑒢𑓂𑒞𑒩𑒹 𑒮𑓀𑒮𑓂𑒟𑒱𑒞𑒧𑒹𑒏𑒑𑒴𑒜𑓀 𑒨𑒠𑒰𑒖𑓂𑒘𑒨𑒰 𑒮𑒩𑓂𑒫𑒧𑒱𑒠𑓀 𑒫𑒱𑒦𑒰𑒞𑒱 ।
𑒁𑒢𑒢𑓂𑒞𑒩𑒴𑒣𑓀 𑒯𑒵𑒠𑒱 𑒥𑒼𑒡𑒏𑓀 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓒॥
𑒁𑒢𑒢𑓂𑒞𑒩𑒴𑒣𑓀 𑒯𑒵𑒠𑒱 𑒥𑒼𑒡𑒏𑓀 𑒫𑒻 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓒॥
𑒨𑓀 𑒨𑒼𑒑𑒱𑒢𑒼 𑒨𑒼𑒑𑒥𑒪𑒹𑒢 𑒮𑒰𑒡𑓂𑒨𑓀 𑒏𑒳𑒩𑓂𑒫𑒢𑓂𑒞𑒱 𑒞𑓀 𑒏𑓁 𑒮𑓂𑒞𑒫𑒢𑒹𑒢 𑒮𑓂𑒞𑒾𑒞𑒱 ।
𑒁𑒞𑓁 𑒣𑓂𑒩𑒝𑒰𑒧𑒹𑒢 𑒮𑒳𑒮𑒱𑒠𑓂𑒡𑒱𑒠𑒼𑓄𑒮𑓂𑒞𑒳 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓓॥
𑒁𑒞𑓁 𑒣𑓂𑒩𑒝𑒰𑒧𑒹𑒢 𑒮𑒳𑒮𑒱𑒠𑓂𑒡𑒱𑒠𑒼𑓄𑒮𑓂𑒞𑒳 𑒞𑒧𑒹𑒏𑒠𑒢𑓂𑒞𑓀 𑒬𑒩𑒝𑓀 𑒫𑓂𑒩𑒖𑒰𑒧𑓁 ॥ 𑓒𑓓॥
𑒑𑒵𑒞𑓂𑒮𑒧𑒠 𑒅𑒫𑒰𑒔
𑒋𑒫𑓀 𑒮𑓂𑒞𑒳𑒞𑓂𑒫𑒰 𑒔 𑒣𑓂𑒩𑒯𑓂𑒪𑒰𑒠 𑒠𑒹𑒫𑒰𑓁 𑒮𑒧𑒳𑒢𑒨𑒬𑓂𑒔 𑒫𑒻 ।
𑒞𑒴𑒭𑓂𑒝𑒲𑓀 𑒦𑒰𑒫𑓀 𑒣𑓂𑒩𑒣𑒠𑓂𑒨𑒻𑒫 𑒢𑒢𑒵𑒞𑒳𑒩𑓂𑒯𑒩𑓂𑒭𑒮𑓀𑒨𑒳𑒞𑒰𑓁 ॥ 𑓒𑓔॥
𑒋𑒫𑓀 𑒮𑓂𑒞𑒳𑒞𑓂𑒫𑒰 𑒔 𑒣𑓂𑒩𑒯𑓂𑒪𑒰𑒠 𑒠𑒹𑒫𑒰𑓁 𑒮𑒧𑒳𑒢𑒨𑒬𑓂𑒔 𑒫𑒻 ।
𑒞𑒴𑒭𑓂𑒝𑒲𑓀 𑒦𑒰𑒫𑓀 𑒣𑓂𑒩𑒣𑒠𑓂𑒨𑒻𑒫 𑒢𑒢𑒵𑒞𑒳𑒩𑓂𑒯𑒩𑓂𑒭𑒮𑓀𑒨𑒳𑒞𑒰𑓁 ॥ 𑓒𑓔॥
𑒮 𑒞𑒰𑒢𑒳𑒫𑒰𑒔 𑒣𑓂𑒩𑒲𑒞𑒰𑒞𑓂𑒧𑒰 𑒯𑓂𑒨𑒹𑒏𑒠𑒢𑓂𑒞𑓁 𑒮𑓂𑒞𑒫𑒹𑒢 𑒫𑒻 ।
𑒖𑒑𑒰𑒠 𑒞𑒰𑒢𑓂 𑒧𑒯𑒰𑒦𑒰𑒑𑒰𑒢𑓂 𑒠𑒹𑒫𑒩𑓂𑒭𑒲𑒢𑓂 𑒦𑒏𑓂𑒞𑒫𑒞𑓂𑒮𑒪𑓁 ॥ 𑓒𑓕॥
𑒖𑒑𑒰𑒠 𑒞𑒰𑒢𑓂 𑒧𑒯𑒰𑒦𑒰𑒑𑒰𑒢𑓂 𑒠𑒹𑒫𑒩𑓂𑒭𑒲𑒢𑓂 𑒦𑒏𑓂𑒞𑒫𑒞𑓂𑒮𑒪𑓁 ॥ 𑓒𑓕॥
𑒋𑒏𑒠𑒢𑓂𑒞 𑒅𑒫𑒰𑒔
𑒣𑓂𑒩𑒮𑒢𑓂𑒢𑒼𑓄𑒮𑓂𑒧𑒱 𑒔 𑒮𑓂𑒞𑒼𑒞𑓂𑒩𑒹𑒝 𑒮𑒳𑒩𑒰𑓁 𑒮𑒩𑓂𑒭𑒱𑒑𑒝𑒰𑓁 𑒏𑒱𑒪 ।
𑒫𑒵𑒝𑒳𑒡𑓂𑒫𑓀 𑒫𑒩𑒠𑒼𑓄𑒯𑓀 𑒫𑒼 𑒠𑒰𑒮𑓂𑒨𑒰𑒧𑒱 𑒧𑒢𑒮𑒲𑒣𑓂𑒮𑒱𑒞𑒧𑓂 ॥ 𑓒𑓖॥
𑒣𑓂𑒩𑒮𑒢𑓂𑒢𑒼𑓄𑒮𑓂𑒧𑒱 𑒔 𑒮𑓂𑒞𑒼𑒞𑓂𑒩𑒹𑒝 𑒮𑒳𑒩𑒰𑓁 𑒮𑒩𑓂𑒭𑒱𑒑𑒝𑒰𑓁 𑒏𑒱𑒪 ।
𑒫𑒵𑒝𑒳𑒡𑓂𑒫𑓀 𑒫𑒩𑒠𑒼𑓄𑒯𑓀 𑒫𑒼 𑒠𑒰𑒮𑓂𑒨𑒰𑒧𑒱 𑒧𑒢𑒮𑒲𑒣𑓂𑒮𑒱𑒞𑒧𑓂 ॥ 𑓒𑓖॥
𑒦𑒫𑒞𑓂𑒏𑒵𑒞𑓀 𑒧𑒠𑒲𑒨𑓀 𑒫𑒻 𑒮𑓂𑒞𑒼𑒞𑓂𑒩𑓀 𑒣𑓂𑒩𑒲𑒞𑒱𑒣𑓂𑒩𑒠𑓀 𑒧𑒧 ।
𑒦𑒫𑒱𑒭𑓂𑒨𑒞𑒱 𑒢 𑒮𑒢𑓂𑒠𑒹𑒯𑓁 𑒮𑒩𑓂𑒫𑒮𑒱𑒠𑓂𑒡𑒱𑒣𑓂𑒩𑒠𑒰𑒨𑒏𑒧𑓂 ॥ 𑓒𑓗॥
𑒦𑒫𑒱𑒭𑓂𑒨𑒞𑒱 𑒢 𑒮𑒢𑓂𑒠𑒹𑒯𑓁 𑒮𑒩𑓂𑒫𑒮𑒱𑒠𑓂𑒡𑒱𑒣𑓂𑒩𑒠𑒰𑒨𑒏𑒧𑓂 ॥ 𑓒𑓗॥
𑒨𑓀 𑒨𑒧𑒱𑒔𑓂𑒕𑒞𑒱 𑒞𑓀 𑒞𑓀 𑒫𑒻 𑒠𑒰𑒮𑓂𑒨𑒰𑒧𑒱 𑒮𑓂𑒞𑒼𑒞𑓂𑒩𑒣𑒰𑒚𑒞𑓁 ।
𑒣𑒳𑒞𑓂𑒩-𑒣𑒾𑒞𑓂𑒩𑒰𑒠𑒱𑒏𑓀 𑒮𑒩𑓂𑒫𑓀 𑒪𑒦𑒞𑒹 𑒡𑒢-𑒡𑒰𑒢𑓂𑒨𑒏𑒧𑓂 ॥ 𑓒𑓘॥
𑒣𑒳𑒞𑓂𑒩-𑒣𑒾𑒞𑓂𑒩𑒰𑒠𑒱𑒏𑓀 𑒮𑒩𑓂𑒫𑓀 𑒪𑒦𑒞𑒹 𑒡𑒢-𑒡𑒰𑒢𑓂𑒨𑒏𑒧𑓂 ॥ 𑓒𑓘॥
𑒑𑒖𑒰𑒬𑓂𑒫𑒰𑒠𑒱𑒏𑒧𑒞𑓂𑒨𑒢𑓂𑒞𑓀 𑒩𑒰𑒖𑓂𑒨𑒦𑒼𑒑𑓀 𑒪𑒦𑒹𑒠𑓂 𑒡𑓂𑒩𑒳𑒫𑒧𑓂 ।
𑒦𑒳𑒏𑓂𑒞𑒱𑓀 𑒧𑒳𑒏𑓂𑒞𑒱𑓀 𑒔 𑒨𑒼𑒑𑓀 𑒫𑒻 𑒪𑒦𑒞𑒹 𑒬𑒰𑒢𑓂𑒞𑒱𑒠𑒰𑒨𑒏𑒧𑓂 ॥ 𑓒𑓙॥
𑒦𑒳𑒏𑓂𑒞𑒱𑓀 𑒧𑒳𑒏𑓂𑒞𑒱𑓀 𑒔 𑒨𑒼𑒑𑓀 𑒫𑒻 𑒪𑒦𑒞𑒹 𑒬𑒰𑒢𑓂𑒞𑒱𑒠𑒰𑒨𑒏𑒧𑓂 ॥ 𑓒𑓙॥
𑒧𑒰𑒩𑒝𑒼𑒔𑓂𑒔𑒰𑒙𑒢𑒰𑒠𑒲𑒢𑒱 𑒩𑒰𑒖𑓂𑒨𑒥𑒢𑓂𑒡𑒰𑒠𑒱𑒏𑓀 𑒔 𑒨𑒞𑓂 ।
𑒣𑒚𑒞𑒰𑓀 𑒬𑒵𑒝𑓂𑒫𑒞𑒰𑓀 𑒢𑒵𑒝𑒰𑓀 𑒦𑒫𑒹𑒔𑓂𑒔 𑒥𑒢𑓂𑒡𑒯𑒲𑒢𑒞𑒰 ॥ 𑓓𑓐॥
𑒣𑒚𑒞𑒰𑓀 𑒬𑒵𑒝𑓂𑒫𑒞𑒰𑓀 𑒢𑒵𑒝𑒰𑓀 𑒦𑒫𑒹𑒔𑓂𑒔 𑒥𑒢𑓂𑒡𑒯𑒲𑒢𑒞𑒰 ॥ 𑓓𑓐॥
𑒋𑒏𑒫𑒱𑓀𑒬𑒞𑒱𑒫𑒰𑒩𑓀 𑒔 𑒬𑓂𑒪𑒼𑒏𑒰𑓀𑒬𑓂𑒔𑒻𑒫𑒻𑒏𑒫𑒱𑓀𑒬𑒞𑒱𑒧𑓂 ।
𑒣𑒚𑒞𑒹 𑒢𑒱𑒞𑓂𑒨𑒧𑒹𑒫𑓀 𑒔 𑒠𑒱𑒢𑒰𑒢𑒱 𑒞𑓂𑒫𑒹𑒏𑒫𑒱𑓀𑒬𑒞𑒱𑒧𑓂 ॥ 𑓓𑓑॥
𑒣𑒚𑒞𑒹 𑒢𑒱𑒞𑓂𑒨𑒧𑒹𑒫𑓀 𑒔 𑒠𑒱𑒢𑒰𑒢𑒱 𑒞𑓂𑒫𑒹𑒏𑒫𑒱𑓀𑒬𑒞𑒱𑒧𑓂 ॥ 𑓓𑓑॥
𑒢 𑒞𑒮𑓂𑒨 𑒠𑒳𑒩𑓂𑒪𑒦𑓀 𑒏𑒱𑓀𑒔𑒱𑒞𑓂 𑒞𑓂𑒩𑒱𑒭𑒳 𑒪𑒼𑒏𑒹𑒭𑒳 𑒫𑒻 𑒦𑒫𑒹𑒞𑓂 ।
𑒁𑒮𑒰𑒡𑓂𑒨𑓀 𑒮𑒰𑒡𑒨𑒹𑒢𑓂 𑒧𑒩𑓂𑒞𑓂𑒨𑓁 𑒮𑒩𑓂𑒫𑒞𑓂𑒩 𑒫𑒱𑒖𑒨𑒲 𑒦𑒫𑒹𑒞𑓂 ॥ 𑓓𑓒॥
𑒁𑒮𑒰𑒡𑓂𑒨𑓀 𑒮𑒰𑒡𑒨𑒹𑒢𑓂 𑒧𑒩𑓂𑒞𑓂𑒨𑓁 𑒮𑒩𑓂𑒫𑒞𑓂𑒩 𑒫𑒱𑒖𑒨𑒲 𑒦𑒫𑒹𑒞𑓂 ॥ 𑓓𑓒॥
𑒢𑒱𑒞𑓂𑒨𑓀 𑒨𑓁 𑒣𑒚𑒞𑒹 𑒮𑓂𑒞𑒼𑒞𑓂𑒩𑓀 𑒥𑓂𑒩𑒯𑓂𑒧𑒦𑒴𑒞𑓁 𑒮 𑒫𑒻 𑒢𑒩𑓁 ।
𑒞𑒮𑓂𑒨 𑒠𑒩𑓂𑒬𑒢𑒞𑓁 𑒮𑒩𑓂𑒫𑒹 𑒠𑒹𑒫𑒰𑓁 𑒣𑒴𑒞𑒰 𑒦𑒫𑒢𑓂𑒞𑒱 𑒫𑒻 ॥ 𑓓𑓓॥
𑒞𑒮𑓂𑒨 𑒠𑒩𑓂𑒬𑒢𑒞𑓁 𑒮𑒩𑓂𑒫𑒹 𑒠𑒹𑒫𑒰𑓁 𑒣𑒴𑒞𑒰 𑒦𑒫𑒢𑓂𑒞𑒱 𑒫𑒻 ॥ 𑓓𑓓॥
𑒋𑒫𑓀 𑒞𑒮𑓂𑒨 𑒫𑒔𑓁 𑒬𑓂𑒩𑒳𑒞𑓂𑒫𑒰 𑒣𑓂𑒩𑒯𑒵𑒭𑓂𑒙𑒰 𑒠𑒹𑒫𑒞𑒩𑓂𑒭𑒨𑓁 ।
𑒆𑒔𑒳𑓁 𑒏𑒩𑒣𑒳𑒙𑒰𑓁 𑒮𑒩𑓂𑒫𑒹 𑒦𑒏𑓂𑒞𑒱𑒨𑒳𑒏𑓂𑒞𑒰 𑒑𑒖𑒰𑒢𑒢𑒧𑓂 ॥ 𑓓𑓔॥
𑒆𑒔𑒳𑓁 𑒏𑒩𑒣𑒳𑒙𑒰𑓁 𑒮𑒩𑓂𑒫𑒹 𑒦𑒏𑓂𑒞𑒱𑒨𑒳𑒏𑓂𑒞𑒰 𑒑𑒖𑒰𑒢𑒢𑒧𑓂 ॥ 𑓓𑓔॥
॥ 𑒃𑒞𑒱 𑒬𑓂𑒩𑒲 𑒋𑒏𑒠𑒢𑓂𑒞𑒮𑓂𑒞𑒼𑒞𑓂𑒩𑓀 𑒮𑒧𑓂𑒣𑒴𑒩𑓂𑒝𑒧𑓂 ॥
Surprise Me!