Narayana Sahasranamam Stotram

ом̣ ш́рӣ ган̣эш́а̄йа намах̣
ш́рӣкр̣шн̣а ува̄ча
ш́а‍р̣н̣у твам̣ ра̄дхикэ ча̄нйам̣ чаматка̄рам̣ ш́рийах̣патэх̣ ।
кум̣кумава̄пика̄кшэтрэ джа̄там̣ йогэш́варам̣ прати ॥ 1॥

вӣтихотро махойогӣ ванэ йогэш́варо'бхават ।
хима̄чалэ бадарйа̄м̣ са тапастэпэ'тида̄рун̣ам ॥ 2॥

сарвайогакала̄х̣ пра̄па йатха̄ ш́ам̣бхустатха̄'бхават ।
тэна йогапрата̄пэна др̣шт̣а̄ ваи дивйачакшуша̄ ॥ 3॥

кэтума̄лэ кр̣та̄ йаджн̃а̄х̣ кэна̄т̣э'пи кр̣та̄ макха̄х̣ ।
амарӣн̣а̄м̣ прадэш́эшу кр̣там̣ йаддхарин̣а̄ ту тат ॥ 4॥

ӯрджа̄кр̣шн̣а̄шт̣амӣджанмамахотсаваш́ча йах̣ кр̣тах̣ ।
ш́а̄рада̄пӯджана̄дйам̣ ча хйаннакӯт̣амахотсавах̣ ॥ 5॥

этатсарвам̣ дивйадр̣шт̣йа̄ виджн̃а̄йа парамэш́варам ।
ка̄м̣бхарэйам̣ ба̄лакр̣шн̣ам̣ драшт̣ум̣ са̄кша̄дупа̄йайау ॥ 6॥

а̄йайау кум̣кумава̄пӣкшэтрэ кр̣шн̣ана̄ра̄йан̣ам ।
сахасрарӯпадхарта̄'сау вӣтихотрах̣ сама̄дхима̄н ॥ 7॥

ма̄ргаш́ӣршатр̣тӣйа̄йа̄маш́вапат̣т̣асарастат̣э ।
сэтума̄ш́ритйа ча нйагродхасйа̄'дхо'дха̄нниджа̄санам ॥ 8॥

сахасрарӯпадхарта̄'сау сам̣калпйа нишаса̄да ха ।
мама мӯласварӯпам̣ ча̄гатйа̄''ш́лишйэт рама̄патих̣ ॥ 9॥

татах̣ сахасрарӯпаиш́ча̄''ш́лишйэнма̄м̣ са прабхух̣ пунах̣ ।
р̣шабхасйа ка̄райэнйэ садрурордарш́анам̣ йади ॥ 10॥

тада̄'хам̣ ш́рӣхарэрагрэ ниватсйэ'тра сада̄'нугах̣ ।
мокшам̣ праса̄дхайишйэ'тра бадарйа̄ на прайоджанам ॥ 11॥

на гурорапарасйа̄пи мокшадо хи гурурйатах̣ ।
йатра̄тмано бхавэтпушт̣ирйэна тарати са̄гарам ॥ 12॥

йасма̄чча̄тмамаха̄ш́а̄нтистам̣ гурум̣ тва̄ш́райэджджанах̣ ।
йасма̄тпа̄павина̄ш́аш́ча йасма̄даджн̃а̄нана̄ш́анам ॥ 13॥

йасма̄д вр̣ттиниродхаш́ча ва̄сана̄кшапан̣ам̣ йатах̣ ।
йасма̄да̄тмапрака̄ш́аш́ча там̣ гурум̣ тва̄ш́райэджджанах̣ ॥ 14॥

йасма̄ччхикша̄мава̄пйэтаиш́варйам̣ чаматкр̣тим̣ татха̄ ।
дивйабха̄вамадхитишт̣хэттам̣ гурум̣ тва̄ш́райэджджанах̣ ॥ 15॥

гураво бахавах̣ санти лаукика̄ш́ча̄пйалаукика̄х̣ ।
лаукикэна хи локастха̄х̣ ка̄рйа̄ ваи гураво йатха̄ ॥ 16॥

алаукикэна ш́ишйэн̣а̄'лаукика̄ гураво дхр̣та̄х̣ ।
майа̄'пйалаукиках̣ со'йам̣ картавйо бхагава̄н гурух̣ ॥ 17॥

йатра сарвам̣ хи картавйам̣ харау парисама̄пйатэ ।
ма̄та̄ гурурхи джануда̄ пита̄ гурурхи бӣджадах̣ ॥ 18॥

анйэ ракша̄кара̄х̣ санти дэхасйа гураво хи тэ ।
бха̄ша̄джн̃а̄накара̄ш́ча̄нйэ ба̄ндхава̄дйа̄ш́ча йошитах̣ ॥ 19॥

татха̄ ш́икша̄кара̄ш́ча̄нйэ видйа̄да̄накара̄ апи ।
кала̄кауш́алйаш́икша̄йа̄ да̄та̄ро гураво'пи ча ॥ 20॥

та этэ дэхайа̄тра̄йа̄ бхаванти гуравах̣ кхалу ।
а̄тмаджн̃а̄напрадо йасту вишн̣умантрапрадаш́ча йах̣ ॥ 21॥

дхармавр̣ттипрадо йаш́ча гурух̣ ш́рэшт̣хо хи самматах̣ ।
брахмастхитипрадо йаш́ча йогасиддхипрадаш́ча йах̣ ॥ 22॥

ваиш́а̄радйапрадо буддхау гурух̣ ш́рэшт̣хатаро хи сах̣ ।
нирмӯла̄м̣ ва̄сана̄м̣ кр̣тва̄ парамэш́апрадарш́аках̣ ॥ 23॥

а̄тмана̄ парама̄тма̄нам̣ пра̄пако дивйамокшадах̣ ।
брахмалокапрэшакаш́ча гурух̣ ш́рэшт̣хатамо хи сах̣ ॥ 24॥

гака̄раствандхамаджн̃а̄нам̣ рака̄ро джн̃а̄намуджджвалам ।
аджн̃а̄наха̄ джн̃а̄надаш́ча гурургауравава̄нматах̣ ॥ 25॥

гамайатйакшарам̣ дха̄ма рамайатйапи дха̄мина̄ ।
гурух̣ со'йам̣ мокшада̄та̄ на̄нйах̣ ш́рэшт̣хастато гурух̣ ॥ 26॥

гурурйогӣ брахмача̄рӣ дхармӣ джн̃а̄нӣ вира̄гава̄н ।
са̄дхуш́ӣло гуруш́ча̄пи на̄ра̄йан̣ах̣ паро гурух̣ ॥ 27॥

бхукттида̄та̄ мокшада̄та̄ сарвасвадо хариргурух̣ ।
гурох̣ са̄кша̄тка̄райита̄ гуроргурурйато'тра сах̣ ॥ 28॥

са эва ш́рӣхариш́ча̄'йам̣ муктта̄на̄м̣ парамо гурух̣ ।
гурух̣ сарва̄вата̄ра̄н̣а̄м̣ сатӣна̄м̣ ча сата̄м̣ гурух̣ ॥ 29॥

ӣш́вара̄н̣а̄м̣ татха̄ дха̄мна̄м̣ йогина̄м̣ саргасам̣вида̄м ।
пӯрвэша̄м̣ ср̣шт̣икартр̣̄н̣а̄м̣ махаршӣн̣а̄м̣ дйува̄сина̄м ॥ 30॥

праджэш́а̄на̄м̣ кармат̣ха̄на̄м̣ бхакта̄на̄м̣ ча паро гурух̣ ।
гурӯн̣а̄м̣ йа̄вата̄магрйо на̄ра̄йан̣агуроргурух̣ ॥ 31॥

ана̄ди ш́рӣкр̣шн̣ана̄ра̄йан̣ах̣ ш́рӣкр̣шн̣аваллабхах̣ ।
ш́рӣкр̣шн̣аваллабхах̣ сва̄пӣ ка̄м̣бхарэйах̣ пара̄тпарах̣ ॥ 32॥

ш́рӣмадгопа̄лаба̄ло'йам̣ сва̄мӣ ваи сарвадэхина̄м ।
майа̄ лабдхах̣ са мэ пӯрн̣ам̣ каришйатйэва ма̄насам ॥ 33॥

ниватсйа̄ми чаран̣э'сйа пра̄псйа̄ми дха̄ма ча̄кшарам ।
сан̃чинтйэти вӣтихотро дхйа̄намагнах̣ сахасрадха̄ ॥ 34॥

сахасрарӯпава̄н джа̄то др̣шт̣ва̄ там̣ ма̄нава̄стат̣э ।
сна̄та̄ро'гух̣ параш́чарйам̣ касйэма̄ни сама̄ни ваи ॥ 35॥

рӯпа̄н̣и, кэ ча̄гата̄ ваи йогино'тра сахасраш́ах̣ ।
самавэша̄х̣ самадэха̄х̣ сама̄м̣га̄х̣ санти садр̣ш́а̄х̣ ॥ 36॥

самакэш́а̄х̣ самадхйа̄на̄х̣ сама̄напарима̄н̣ака̄х̣ ।
бхра̄таро ва̄ бхавантйэтэ дха̄мамукта̄ бхаванти ва̄ ॥ 37॥

бадарӣва̄сино ва̄'пи ш́вэтамукта̄х̣ кима̄гата̄х̣ ।
ш́ам̣карасйа ган̣а̄х̣ ким̣ва̄ дэва̄ста̄пасарӯпин̣ах̣ ॥ 38॥

са̄дхйа̄ ва̄ дэвата̄ йадва̄ мэрува̄са̄ хи та̄паса̄х̣ ।
ка этэ ту бхавэйурваи чандра̄сйа̄ бха̄скарапрабха̄х̣ ॥ 39॥

дхйа̄найога̄ йогино ва̄ йогӣш́вара̄х̣ сахасраш́ах̣ ।
на ваданти на паш́йанти на пра̄н̣а̄н ча̄лайантйапи ॥ 40॥

стхирамауна̄х̣ стхирачита̄ ӣш́вара̄х̣ сйуш́ча кэнвимэ ।
итйэвам̣ таркайанто ваи кум̣кумава̄пика̄джана̄х̣ ॥ 41॥

сам̣гхаш́о ваи сама̄йа̄нти драшт̣ум̣ кутӯхала̄нвита̄х̣ ।
кэчиннаманти др̣шт̣ваива праш́ам̣санти ваданти ча ॥ 42॥

прата̄по'йам̣ ба̄лакр̣шн̣акр̣па̄на̄тхасйа вартатэ ।
асйа дарш́анала̄бха̄ртхам̣ нитйама̄йа̄нти йогинах̣ ॥ 43॥

адр̣ш́йа̄ ӣдр̣ш́а̄х̣ сарвэ'дхуна̄ тэ др̣ш́йата̄м̣ гата̄х̣ ।
рудра̄х̣ сахасраш́аш́ча̄пи вишн̣аваш́ча сахасраш́ах̣ ॥ 44॥

сахасрасо'пи брахма̄н̣о драшт̣ума̄йа̄нти садварам ।
татха̄ махаршайо нитйам̣ питаро дэвата̄статха̄ ॥ 45॥

са̄дхйа̄ виш́вэ ча маруто драшт̣ума̄йа̄нти нитйаш́ах̣ ।
тӣртха̄нйапи сама̄йа̄нти дикпа̄ла̄х̣ ср̣шт̣ипа̄лака̄х̣ ॥ 46॥

атхава̄ па̄ршада̄ дивйа̄ голока̄динива̄синах̣ ।
сама̄йа̄нти ча ваикун̣т̣хапа̄ршада̄ апи нитйаш́ах̣ ॥ 47॥

граханакшатрата̄ра̄ш́ча сӯрйа̄ш́чандра̄х̣ сахасраш́ах̣ ।
ваима̄ника̄х̣ сама̄йа̄нти лока̄нтарэбхйа а̄др̣та̄х̣ ॥ 48॥

ва̄лакхилйа̄х̣ сама̄йа̄нти йадва̄ брахмасабха̄двиджа̄х̣ ।
ким̣ ва̄ бхавэйурга̄ндхарва̄ йакша̄ ва̄ дханада̄ш́ча ва̄ ॥ 49॥

ча̄ран̣а̄х̣ парватава̄са̄ мунайо ва̄ ванастхита̄х̣ ।
парам̣ са̄др̣ш́йамэваиша̄мапӯрватвам̣ вига̄хатэ ॥ 50॥

лала̄т̣э ваишн̣авам̣ пун̣д̣рам̣ мастакэ та̄пасӣ джат̣а̄ ।
нэтрамудра̄ йогапушт̣а̄х̣ кхйа̄пайантйам̣ш́ама̄чйутам ॥ 51॥

йэ ва̄ кэ ва̄ бхавэйустэ са̄кша̄ткр̣та̄ йадатра тэ ।
асма̄бхирдаивайогэна пун̣йавадбхих̣ субха̄гйакаих̣ ॥ 52॥

аваш́йамэша̄м̣ виджн̃а̄нам̣ кшан̣э'траива бхавишйати ।
итйэвам̣ тэ ваданташ́ча праджа̄х̣ сам̣гхаш́а эва ха ॥ 53॥

прапаш́йанти сарастӣрэ сахасрайогинастада̄ ।
атха ш́рӣмадба̄лакр̣шн̣о на̄ра̄йан̣агуроргурӯ ॥ 54॥

сама̄йайо сарастӣрэ саннидхау йогина̄м̣ тада̄ ।
ха̄рдам̣ джа̄нам̐стада̄ тӯрн̣ам̣ правӣкшйа мӯларӯпин̣ам ॥ 55॥

самуттолйа сама̄хӯйа на̄мна̄ там̣ вӣтихотрака ! ।
уттишт̣хэти карау дхр̣тва̄ кр̣тва̄ вакшаси йогинам ॥ 56॥

сама̄ш́лишйаддхасам̐стӯрн̣ам̣ свайам̣ сахасрадха̄'бхават ।
самуттхитаих̣ сахасрасварӯпаира̄ш́лишйадачйутах̣ ॥ 57॥

татастӯрн̣ам̣ хариш́чаикасварӯпах̣ самбабхӯва ха ।
вӣтӣхотро'пи сахаса̄ твэкарӯпо вйаджа̄йата ॥ 58॥

а̄ш́чарйачакита̄ лока̄ джайаш́абда̄н прачакрирэ ।
та̄ваччхрӣба̄лакр̣шн̣о'пи бабхӯва р̣шабхо гурух̣ ॥ 59॥

вр̣ддхах̣ ш́вэтаджат̣а̄йукто вивастро дхӯлидхӯсарах̣ ।
вичитта ива чонматто джитасарвэндрийо йатих̣ ॥ 60॥

свабха̄ватэджаса̄ вйа̄пто брахманишт̣ха̄парах̣ пума̄н ।
апра̄кр̣та ива тва̄стэ вимана̄ ива дэхишу ॥ 61॥

вӣтихотро'пи ча гурумр̣шабхам̣ вӣкшйа дан̣д̣ават ।
чака̄ра бахудха̄ татра тушт̣а̄ва парамэш́варам ॥ 62॥

твам̣ гуруствам̣ ча̄нтара̄тма̄ р̣шабхаствам̣ ча йогира̄т̣ ।
йогэш́варо бхава̄нэва твам̣ чэш́аствам̣ парэш́варах̣ ॥ 63॥

твам̣ муктаствам̣ маха̄мукто муктэш́варо бхава̄напи ।
акшарам̣ твам̣ бхава̄н брахма парабрахма бхава̄напи ॥ 64॥

бхагава̄н кр̣шн̣а эва̄си кр̣шн̣ана̄ра̄йан̣о'си ча ।
ана̄диш́рӣкр̣шн̣ана̄ра̄йан̣аствам̣ парамэш́варах̣ ॥ 65॥

авата̄ра̄х̣ р̣шабха̄дйа̄ставаива ш́рӣпатэ вибхо ।
ра̄дха̄патиствамэва̄'си лакшмӣпатиствамэва ча ॥ 66॥

ва̄судэвӣпатиствам̣ ча на̄ра̄йан̣ӣпатистатха̄ ।
муктапатирбрахмапатирдха̄мапатиствамэва ча ॥ 67॥

маха̄ка̄ласйа хэтуствам̣ маха̄вишн̣ош́ча ка̄ран̣ам ।
сада̄ш́ивасйа хэтуствам̣ ваира̄джасйа ча ка̄ран̣ам ॥ 68॥

бхӯма̄ твам̣ пӯрушасам̣джн̃ах̣ пурушоттама итйапи ।
брахмавишн̣умахэш́а̄на̄м̣ рудра̄н̣а̄м̣ сарджако бхава̄н ॥ 69॥

дэва̄на̄м̣ локапа̄ла̄на̄м̣ питр̣̄н̣а̄м̣ сарджако бхава̄н ।
махаршӣн̣а̄м̣ йатӣна̄м̣ ча са̄дхӯна̄м̣ сарджаках̣ сата̄м ॥ 70॥

сатӣна̄м̣ камала̄дйа̄на̄м̣ патих̣ па̄та̄ ча ваи бхава̄н ।
сура̄н̣а̄м̣ ма̄нава̄на̄м̣ ча паш́ӯна̄м̣ пакшин̣а̄м̣ татха̄ ॥ 71॥

валлӣна̄м̣ ча друма̄н̣а̄м̣ ча сарджакаствам̣ расапрадах̣ ।
ка̄мадхэнука̄маваллӣчинта̄ман̣йа̄дисарджаках̣ ॥ 72॥

йакшаракшах̣пиш́а̄ча̄на̄м̣ сарджакаствам̣ кхача̄рин̣а̄м ।
ва̄риджа̄на̄м̣ ванастха̄на̄м̣ бхӯгарбха̄н̣а̄м̣ прасарджаках̣ ॥ 73॥

даитйа̄на̄м̣ да̄нава̄на̄м̣ ча сарджакаствам̣ джана̄рданах̣ ।
дӣна̄на̄тхадаридра̄на̄м̣ ракшаках̣ пошако бхава̄н ॥ 74॥

а̄ш́рита̄на̄маннада̄та̄ ш́аран̣йаш́ча̄ртидэхина̄м ।
ка̄мука̄на̄м̣ ка̄мада̄та̄ сака̄ма̄на̄м̣ прапӯраках̣ ॥ 75॥

твам̣ на̄рӣ твам̣ нараш́ча̄ссэ твам̣ гарбхаствам̣ кума̄раках̣
твам̣ бӣджам̣ твам̣ сасйарӯпаствам̣ пушпам̣ пхаламитйапи ॥ 76॥

тваминдрастваминдрийаствам̣ нидра̄ твам̣ джа̄гаро бхава̄н ।
твам̣ сушуптирмаха̄нандаствам̣ прӣтиствам̣ ратистатха̄ ॥ 77॥

манматхаствам̣ маноджанйо манах̣сам̣стхо бхава̄напи ।
джн̃а̄нам̣ джн̃а̄та̄ джн̃эйамэва твамэва̄'си парэш́вара ॥ 78॥

твам р̣туствам̣ динам̣ ра̄триствамудйого вира̄маках̣ ।
твам̣ виш́ва̄саш́ча̄ш́райаш́ча твам̣ ма̄та̄ ча пита̄ гурӯх̣ ॥ 79॥

дханам̣ дха̄нйам̣ твамэва̄'сим̣ ш́актирбалам̣ твамэва ча ।
нӣтирбхактирвр̣шо ра̄го ваира̄гйам̣ ча твамэва ха ॥ 80॥

твам̣ пра̄н̣аствам̣ джӣванам̣ ча наикадха̄ чаикадха̄ бхава̄н ।
прака̄ш́аствам̣ правр̣ттиствам̣ ниродхаствам̣ гун̣а̄тмаках̣ ॥ 81॥

гун̣а̄тӣтаствамэва̄'си сарвасиддхигун̣а̄ш́райах̣ ।
а̄ш́чарйам̣ твам̣ чаматка̄раствамаиш́варйам̣ прабхутвакам ॥ 82॥

твам̣ бхӯрджалам̣ бхава̄м̐стэджо'ниластвам̣ твам̣ татха̄'налах̣ ।
твам̣ кхам̣ твам̣ ма̄тракам̣ твам̣ ча буддхиствам̣ чаишан̣а̄трайам ॥ 83॥

твам̣ парӣкша̄ титикша̄ твам̣ твам̣ бубхукша̄ мумукшата̄ ।
твам̣ снэхаствам̣ дхйа̄навр̣ттиствам̣ сама̄дхих̣ пара̄тпарах̣ ॥ 84॥

упа̄стиствам̣ читтачаитйам̣ твам̣ джа̄д̣айам̣ твам̣ татха̄'н̣ута̄ ।
твам̣ са̄мйам̣ твам̣ ча ваишамйам̣ твамэва сарвамэва ха ॥ 85॥

ахам̣ твам̣ вӣтихотраствам̣ твам̣ гурӯх̣ р̣шабхастатха̄ ।
таваива̄м̣'ш́акала̄''вэш́авибхӯтиср̣шт̣иджам̣ твидам ॥ 86॥

йат ким̣чид др̣ш́йатэ ча̄пи бхуджйатэ лӣйатэ'пи ча ।
йасма̄д йатра ча йэна̄пи йадартхам̣ ча твамэва сах̣ ॥ 87॥

тасмаи кр̣шн̣а̄йа на̄тха̄йа брахман̣э парабрахман̣э ।
самарпайа̄ми ча̄тма̄нам̣ вӣтихотра̄бхидхам̣ сада̄ ॥ 88॥

да̄намэва на ту нйа̄сам̣ на̄пи кусӣдакам̣ татха̄ ।
йатхэшт̣авинийога̄рхам̣ самарпайа̄ми ма̄м̣ твахам ॥ 89॥

ити стутва̄ ра̄дхикэ сампапа̄та па̄дайорхарэх̣ ।
вӣтихотраш́ча̄'тха кр̣шн̣астамуттха̄пайадӯрдхвакам ॥ 90॥

сама̄ш́рлишйа пунархастау датва̄ тасйа ча мӯрдхани ।
нйайум̣кта варала̄бха̄ртхам̣ вӣтихотрам̣ харирйада̄ ॥ 91॥

вӣтихотрастада̄ пра̄ха стха̄сйэ'тра тавапа̄дайох̣ ।
антэ мокшам̣ гамишйасйакшарам̣ дха̄ма тава прабхо ॥ 92॥

дэхи ва̄сам̣ сада̄ ча̄тра татха̄стӯва̄ча ваи харих̣ ।
ра̄дхикэ танмахаттӣртхам р̣шабха̄кхйам̣ сароварэ ॥ 93॥

вӣтихотра̄бхидхам̣ тӣртхам̣ сахасрайогитӣртхакам ।
эвам̣ на̄мна̄ тадэва̄сӣт прасиддхам̣ мокшадам̣ ш́убхам ॥ 94॥

харирбабхӯва сахаса̄ ба̄лакр̣шн̣асварӯпадхр̣к ।
прайайау ча ниджа̄ва̄сам̣ вӣтихотрастат̣э стхитах̣ ॥ 95॥

ват̣авр̣кшам̣ сама̄ш́лишйа та̄пасо джанадарш́анах̣ ।
татра тӣртхэ кр̣тасна̄на̄х̣ пра̄псйанти парама̄м̣ гатим ॥ 96॥

йогасиддхимава̄псйанти йога̄бхйа̄сам̣ вина̄'пи ча ।
ра̄дхикэ татра сам̣сна̄нна̄ш́амэшйанти па̄такам ॥ 97॥

а̄рдрам̣ ш́ушкам̣ махатсвалпам̣ парапӣд̣а̄карам̣ ча йат ।
сарвам̣ наш́йати па̄пам̣ таджджалапа̄на̄дапи друтам ॥ 98॥

татра̄'ннада̄натах̣ сйа̄тту ва̄джимэдхасамам̣ пхалам ।
р̣шабхасйа̄''лайакартурмама дха̄ма̄'кшарам̣ бхавэт ॥ 99॥

итйэвам̣ бхагава̄на̄ха ра̄дхикэ тӣртхаваибхавам ।
пат̣хана̄ччхраван̣а̄чча̄сйа бхавэттаттӣртхаджам̣ пхалам ॥ 100॥

॥ итиш́рӣлакшмӣна̄ра̄йан̣ӣйасам̣хита̄йа̄м̣ двитӣйэ трэта̄санта̄нэ
вӣтихотрайогэш́вара̄йа р̣шабхарӯпэн̣а сахасрарӯпэн̣а ча
харэрдарш́анам, р̣шабхатӣртхӣкаран̣ам, стутиш́чэтйа̄динирӯпан̣ана̄ма̄
чатва̄рим̣ш́ададхикадвиш́ататамо'дхйа̄йах̣ ॥