Lord Shiva Stuti

śrīaruṇācalastotram ca
vande devamumāpatiṃ suraguruṃ vande jagatkāraṇaṃ (śambhumumāpatiṃ)
vande pannagabhūṣaṇaṃ mṛgadharaṃ vande paśūnāṃ patim |
vande sūryaśaśāṅkavahninayanaṃ vande mukundapriyaṃ
vande bhaktajanāśrayaṃ ca varadaṃ vande śivaṃ śaṅkaram || 1||

vande sarvajagadvihāramatulaṃ vande'ndhakadhvaṃsinaṃ
vande devaśikhāmaṇiṃ śaśinibhaṃ vande harervallabham |
vande nāgabhujaṅgabhūṣaṇadharaṃ vande śivaṃ cinmayaṃ
vande bhaktajanāśrayaṃ ca varadaṃ vande śivaṃ śaṅkaram || 2||

vande divyamacintyamaddayamahaṃ vande'rkadarpāpahaṃ (somamacintyamadvayamajaṃ)
(vande vyomasabhāpatiṃ naṭapatiṃ vande'rkadantāpahaṃ)
vande nirmalamādimūlamaniśaṃ vande makhadhvaṃsinam |
vande satyamanantamādyamabhayaṃ vande'tiśāntākṛtiṃ (vande nityamagendrajāpriyakaraṃ)
vande bhaktajanāśrayaṃ ca varadaṃ vande śivaṃ śaṅkaram || 3||

vande bhūrathamambujākṣaviśikhaṃ vande śrutitroṭakaṃ (vande trayīvājinaṃ)
vande śailaśarāsanaṃ phaṇiguṇaṃ vande'bdhitūṇīrakam |
vande padmjasārathiṃ puraharaṃ vande mahābhairavaṃ
vande bhaktajanāśrayañca varadaṃ vande śivaṃ śaṅkaram || 4||

vande pañcamukhāmbujaṃ trinayanaṃ vande lalāṭekṣaṇaṃ
vande vyomagataṃ jaṭāsumukuṭaṃ candrārdhagaṅgādharam |
(vande vyomakacaṃ jaṭāsumakuṭaṃ vande'jagaṅgādharam |)
vande bhasmakṛtatripuṇḍujaṭilaṃ vandeṣṭamūrtyātmakaṃ (vande vyomakacañjaṭāsumakuṭaṃ)
vande bhaktajanāśrayaṃ ca varadaṃ vande śivaṃ śaṅkaram || 5||

vande kālaharaṃ haraṃ viṣadharaṃ vande mṛḍaṃ dhūrjaṭiṃ
vande sarvagataṃ dayāmṛtanidhiṃ vande nṛsiṃhāpaham |
vande viprasurācitāṅghrikamalaṃ vande bhagākṣāpahaṃ
vande bhaktajanāśrayaṃ ca varadaṃ vande śivaṃ śaṅkaram || 6||

vande maṅgalarājatādrinilayaṃ vande surādhīśvaraṃ (vande rājataparvatāgranilayaṃ, tārakaparvatāpranilayaṃ)
vande śaṅkaramaprameyamatulaṃ vande yamadveṣiṇam |
vande kuṇḍalirājakuṇḍaladharaṃ vande sahasrānanaṃ
vande bhaktajanāśrayaṃ ca varadaṃ vande śivaṃ śaṅkaram || 7||

vande haṃsamatīndriyaṃ smaraharaṃ vande virūpekṣaṇaṃ
vande bhūtagaṇeśamavyayamahaṃ vande'rtharājyapradam |
vande sundarasaurabheyagamanaṃ vande triśūlāyudhaṃ
vande bhaktajanāśrayaṃ ca varadaṃ vande śivaṃ śaṅkaram || 8||

vande sūkṣmamanantamādyamabhayaṃ vande'ndhakārāpahaṃ (sūkṣmamanantamādyamanaghaṃ)
vande phūlananandibhṛṅgivinataṃ vande suparṇāvṛtam | (rāvaṇabāṇabhṛṅgivinutaṃ)
vande śailasutārdhabhāgavapuṣaṃ vande'bhayaṃ tryambakaṃ
vande bhaktajanāśrayaṃ ca varadaṃ vande śivaṃ śaṅkaram || 9||

vande pāvanamambarātmavibhavaṃ vande mahendreśvaraṃ
(vande pāvanamambarātmamamalaṃ vande mahādaivataṃ)
vande bhaktajanāśrayāmarataruṃ vande natābhīṣṭadam | (bhaktavarāśrayāmarataraṃ)
vande jahnusutāmbikeśamaniśaṃ vande gaṇādhīśvaraṃ
vande bhaktajanāśrayaṃ ca varadaṃ vande śivaṃ śaṅkaram || 10||

|| iti śrīśivastutiḥ sampūrṇā ||