Chandika Ashtakam Stotram Explained with Meaning

sahasracandranitdakātikānta-candrikācayai-
diśo'bhipūrayad vidūrayad durāgrahaṃ kaleḥ |
kṛtāmalā'valākalevaraṃ varaṃ bhajāmahe
maheśamānasāśrayanvaho maho mahodayam || 1||

viśāla-śailakandarāntarāla-vāsaśālinīṃ
trilokapālinīṃ kapālinī manoramāmimām |
umāmupāsitāṃ surairūpāsmahe maheśvarīṃ
parāṃ gaṇeśvaraprasū nageśvarasya nandinīm || 2||

aye maheśi! te mahendramukhyanirjarāḥ same
samānayanti mūrddharāgata parāgamaṃghrijam |
mahāvirāgiśaṃkarā'nurāgiṇīṃ nurāgiṇī
smarāmi cetasā'tasīmumāmavāsasaṃ nutām || 3||

bhaje'marāṃganākarocchalatsucāma roccalan
nicola-lolakuntalāṃ svaloka-śoka-nāśinīm |
adabhra-sambhṛtātisambhrama-prabhūta-vibhrama-
pravṛta-tāṇḍava-prakāṇḍa-paṇḍitīkṛteśvarām || 4||

apīha pāmaraṃ vidhāya cāmaraṃ tathā'maraṃ
nupāmaraṃ pareśidṛg-vibhāvitā-vitatrike |
pravartate pratoṣa-roṣa-khelana tava svadoṣa-
moṣahetave samṛddhimelanaṃ padannumaḥ || 5||

bhabhūv-bhabhav-bhabhav-bhabhābhito-vibhāsi bhāsvara-
prabhābhara-prabhāsitāga-gahvarādhibhāsinīm |
milattara-jvalattarodvalattara-kṣapākara
pramūta-bhābhara-prabhāsi-bhālapaṭṭikāṃ bhaje || 6||

kapotakambu-kāmyakaṇṭha-kaṇṭhayakaṃkaṇāṃgadā-
dikānta-kāścikāścitāṃ kapālikāminīmaham |
varāṃghrinūpuradhvani-pravṛttisambhavad viśeṣa-
kāvyakalpakauśalāṃ kapālakuṇḍalāṃ bhaje || 7||

bhavābhaya-prabhāvitadbhavottaraprabhāvi bhavya
bhūmibhūtibhāvana prabhūtibhāvukaṃ bhave |
bhavāni neti te bhavāni! pādapaṃkajaṃ bhaje
bhavanti tatra śatruvo na yatra tadvibhāvanam || 8||

durgāgrato'tigarimaprabhavāṃ bhavānyā
bhavyāmimāṃ stutimumāpatinā praṇītām |
yaḥ śrāvayet sapurūhūtapurādhipatya
bhāgyaṃ labheta ripavaśca tṛṇāni tasya || 9||

rāmāṣṭāṃka śaśāṃke'bde'ṣṭamyāṃ śuklāśvine gurau |
śāktaśrījagadānandaśarmaṇyupahṛtā stutiḥ || 10||

|| iti kavipatyupanāmaka-śrī umāpatidvivedi-viracitaṃ caṇḍikāṣṭakaṃ
sampūrṇam ||