Shri Gayatri Hridayam Stotram

|| atha zrImaddevIbhAgavate mahApurANe gAyatrIhRdayam ||

nArada uvAca |
bhagavandevadeveza bhUtabhavya jagatprabho |
kavacaM ca za‍RtaM divyaM gAyatrImantravigraham || 1||

adhunA zrotumicchAmi gAyatrIhRdayaM param |
yaddhAraNAdbhavetpuNyaM gAyatrIjapato'khilam || 2||

zrInArAyaNa uvAca |
devyAzca hRdayaM proktaM nAradAtharvaNe sphuTam |
tadevAhaM pravakSyAmi rahasyAtirahasyakam || 3||

virADrUpAM mahAdevIM gAyatrIM vedamAtaram |
dhyAtvA tasyAstvathAGgeSu dhyAyedetAzca devatAH || 4||

piNDabrahmaNDayoraikyAdbhAvayetsvatanau tathA |
devIrUpe nije dehe tanmayatvAya sAdhakaH || 5||

nAdevo'bhyarcayeddevamiti vedavido viduH |
tato'bhedAya kAye sve bhAvayeddevatA imAH || 6||

atha tatsampravakSyAmi tanmayatvamayo bhavet |
gAyatrIhRdayasyAsyApyahameva RSiH smRtaH || 7||

gAyatrIchanda uddiSTaM devatA paramezvarI |
pUrvoktena prakAreNa kuryAdaGgAni SaT kramAt |
Asane vijane deze dhyAyedekAgramAnasaH || 8||

athArthanyAsaH | dyaumUrdhni daivatam |
dantapaGktAvazvinau | ubhe sandhye cauSThau |
mukhamagniH | jihvA sarasvatI | grIvAyAM tu bRhaspatiH |
stanayorvasavo'STau | bAhvormarutaH | hRdaye parjanyaH |
AkAzamudaram | nAbhAvantarikSam | kaTyorindrAgnI |
jaghane vijJAnaghanaH prajApatiH | kailAsamalaye UrU |
vizvedevA jAnvoH | jaGghAyAM kauzikaH | guhyamayane |
UrU pitaraH | pAdau pRthivI | vanaspatayoGgulISu |
RSayo romANi | nakhAni muhUrtAni | asthiSu grahAH |
asRGmAMsamRtavaH | saMvatsarA vai nimiSam |
ahorAtrAvAdityazcandramAH |
pravaraM divyAM gAyatrIM sahasranetrAM zaraNamahaM prapadye |
OM tatsaviturvareNyAya namaH | OM tatpUrvAjayAya namaH |
tatprAtarAdityAya namaH | tatprAtarAdityapratiSThAyai namaH |
prAtaradhIyAno rAtrikRtaM pApaM nAzayati |
sAyamadhIyAno divasakRtaM pApaM nAzayati |
sAyaMprAtaradhIyAnaH apApo bhavati |
sarvatIrtheSu snAto bhavati | sarvairdevairjJAto bhavati |
avAcyavacanAtpUto bhavati | abhakSyabhakSaNAtpUto bhavati |
abhojyabhojanAtpUto bhavati | acoSyacoSaNAtpUto bhavati |
asAdhyasAdhanAtpUto bhavati | duSpratigrahazatasahasrAtpUto bhavati |
paGktidUSaNAtpUto bhavati | amRtavacanAtpUto bhavati |
athAbrahmacArI brahmacArI bhavatI |
anena hRdayenAdhItena kratusahasreNeSTaM bhavati |
SaSTizatasahasragAyatryA japyAni phalAni bhavanti |
aSTau brAhmaNAnsamyaggrAhayet | tasya siddhirbhavati |
ya idaM nityamadhIyAno brAhmaNaH prAtaH zuciH sarvapApaH
pramucyata iti | brahmaloke mahIyate |
ityAha bhagavAn zrInArAyaNaH ||

iti zrIdevIbhAgavate mahApurANe dvAdazaskandhe
gAyatrIhRdayaM nAma caturtho'dhyAyaH |