Gayatri Vandana

𑓇𑒏𑒰𑒩𑒩𑒴𑒣𑒰 𑒞𑓂𑒩𑒱𑒣𑒠𑒰 𑒞𑓂𑒩𑒨𑒲 𑒔 𑒞𑓂𑒩𑒱𑒠𑒹𑒫𑒫𑒢𑓂𑒠𑓂𑒨𑒰 𑒞𑓂𑒩𑒱𑒠𑒱𑒫𑒰𑒡𑒱𑒠𑒹𑒫𑒲 ।
𑒞𑓂𑒩𑒱𑒪𑒼𑒏𑒏𑒩𑓂𑒞𑓂𑒩𑒲 𑒞𑓂𑒩𑒱𑒞𑒨𑒮𑓂𑒨 𑒦𑒩𑓂𑒞𑓂𑒩𑒲 𑒞𑓂𑒩𑒻𑒏𑒰𑒪𑒱𑒏𑒲 𑒮𑒓𑓂𑒏𑒪𑒢𑒰𑒫𑒱𑒡𑒰𑒞𑓂𑒩𑒲 ॥ 𑓑॥

𑒞𑓂𑒩𑒻𑒑𑒳𑒝𑓂𑒨𑒦𑒹𑒠𑒰𑒞𑓂 𑒞𑓂𑒩𑒱𑒫𑒱𑒡𑒮𑓂𑒫𑒩𑒴𑒣𑒰 𑒞𑓂𑒩𑒻𑒫𑒱𑒡𑓂𑒨𑒨𑒳𑒏𑓂𑒞𑒮𑓂𑒨 𑒤𑒪𑒮𑓂𑒨 𑒠𑒰𑒞𑓂𑒩𑒲 ।
𑒞𑒟𑒰𑒣𑒫𑒩𑓂𑒑𑒮𑓂𑒨 𑒫𑒱𑒡𑒰𑒨𑒱𑒢𑒲 𑒞𑓂𑒫𑓀 𑒠𑒨𑒰𑒩𑓂𑒠𑓂𑒩𑒠𑒵𑒏𑓂𑒏𑒼𑒝𑒫𑒱𑒪𑒼𑒏𑒢𑒹𑒢 ॥ 𑓒॥

𑒞𑓂𑒫𑓀 𑒫𑒰𑒓𑓂𑒧𑒨𑒲 𑒫𑒱𑒬𑓂𑒫𑒫𑒠𑒰𑒢𑓂𑒨𑒧𑒴𑒩𑓂𑒞𑒱𑒩𑓂𑒫𑒱𑒬𑓂𑒫𑒮𑓂𑒫𑒩𑒴𑒣𑒰𑒣𑒱 𑒯𑒱 𑒫𑒱𑒬𑓂𑒫𑒑𑒩𑓂𑒦𑒰 ।
𑒞𑒞𑓂𑒞𑓂𑒫𑒰𑒞𑓂𑒧𑒱𑒏𑒰 𑒞𑒞𑓂𑒞𑓂𑒫𑒣𑒩𑒰𑒞𑓂𑒣𑒩𑒰 𑒔 𑒠𑒵𑒏𑓂𑒞𑒰𑒩𑒱𑒏𑒰 𑒞𑒰𑒩𑒏𑒬𑒓𑓂𑒏𑒩𑒮𑓂𑒨 ॥ 𑓓॥
𑒦𑒴𑒞𑓀 𑒔 𑒦𑒫𑓂𑒨𑓀 𑒮𑒏𑒪𑓀 𑒨𑒠𑒹𑒞𑒞𑓂 𑒞𑓂𑒫𑒞𑓂𑒞𑓁 𑒣𑒩𑓀 𑒏𑒳𑒞𑓂𑒩 𑒢 𑒏𑒱𑒘𑓂𑒔𑒱𑒠𑒮𑓂𑒞𑒱 ।
𑒂𑒠𑓂𑒨𑒰𑒧𑒢𑒰𑒠𑓂𑒨𑒰𑒧𑒢𑒫𑒠𑓂𑒨𑒫𑒢𑓂𑒠𑓂𑒨𑒰𑓀 𑒣𑒡𑓂𑒨𑒢𑓂𑒞𑒱 𑒫𑒱𑒖𑓂𑒘𑒰𑓁 𑒣𑓂𑒩𑒫𑒠𑒢𑓂𑒞𑒱 𑒔 𑒞𑓂𑒫𑒰𑒧𑓂 ॥ 𑓔॥

𑒫𑒱𑒬𑓂𑒫𑒰𑒞𑓂𑒧𑒱𑒏𑒹 𑒫𑒱𑒬𑓂𑒫𑒫𑒱𑒪𑒰𑒮𑒦𑒴𑒞𑒹 𑒫𑒱𑒬𑓂𑒫𑒰𑒬𑓂𑒩𑒨𑒹 𑒫𑒱𑒬𑓂𑒫𑒫𑒱𑒏𑒰𑒬𑒡𑒰𑒧𑒹 ।
𑒫𑒱𑒦𑒴𑒞𑓂𑒨𑒡𑒱𑒭𑓂𑒚𑒰𑒞𑓂𑒩𑒱 𑒫𑒱𑒦𑒴𑒞𑒱𑒠𑒰𑒞𑓂𑒩𑒱 𑒣𑒠𑒹 𑒞𑓂𑒫𑒠𑒲𑒨𑒹 𑒣𑓂𑒩𑒝𑒞𑒱𑒩𑓂𑒧𑒠𑒲𑒨𑒰 ॥ 𑓕॥

𑒞𑓂𑒫𑓀 𑒢𑒱𑒞𑓂𑒨𑒮𑒩𑓂𑒑𑒮𑓂𑒨 𑒫𑒱𑒮𑒩𑓂𑒑𑒦𑒴𑒞𑒰 𑒠𑒻𑒢𑒢𑓂𑒠𑒱𑒢𑒮𑓂𑒨𑒰𑒣𑒱 𑒔 𑒣𑓂𑒩𑒰𑒏𑒵𑒞𑒮𑓂𑒨 ।
𑒫𑒱𑒬𑓂𑒫𑒮𑓂𑒨 𑒨𑒼𑒢𑒱𑒩𑓂𑒯𑒱 𑒧𑒞𑒰 𑒞𑒟𑒰𑒣𑒱 𑒮𑒧𑒳𑒠𑓂𑒩𑒯𑒻𑒧𑒰𑒠𑓂𑒩𑒱𑒫𑒱𑒩𑒘𑓂𑒔𑒱𑒖𑒰𑒞𑒰 ॥ 𑓖॥

𑒦𑒼𑒑𑒮𑓂𑒨 𑒦𑒼𑒏𑓂𑒞𑓂𑒩𑒲 𑒏𑒩𑒝𑒮𑓂𑒨 𑒏𑒩𑓂𑒞𑓂𑒩𑒲 𑒡𑒰𑒞𑓂𑒫𑒰𑒫𑓂𑒨𑒨𑒣𑓂𑒩𑒞𑓂𑒨𑒨𑒪𑒱𑒓𑓂𑒑𑒬𑒴𑒢𑓂𑒨𑒰 ।
𑒖𑓂𑒘𑒹𑒨𑒰 𑒢 𑒫𑒹𑒠𑒻𑒩𑓂𑒢 𑒣𑒳𑒩𑒰𑒝𑒦𑒹𑒠𑒻𑒩𑓂𑒡𑓂𑒨𑒹𑒨𑒰 𑒡𑒱𑒨𑒰 𑒡𑒰𑒩𑒝𑒨𑒰𑒠𑒱𑒬𑒏𑓂𑒞𑒱𑓁 ॥ 𑓗॥
𑒏𑒱𑒘𑓂𑒔𑒱𑒠𑓂𑒨𑒠𑒹𑒞𑒞𑓂𑒞𑒫𑒧𑒴𑒩𑓂𑒞𑒱𑒩𑒹𑒭𑒰 𑒞𑒟𑒰𑒣𑓂𑒨𑒠𑒵𑒬𑓂𑒨𑒰𑒐𑒱𑒪𑒮𑒰𑒡𑒢𑒻𑒬𑓂𑒔 ।
𑒮𑒰𑒢𑓂𑒞𑒰 𑒢𑒱𑒩𑒢𑓂𑒞𑒰 𑒮𑒠𑒮𑒞𑓂𑒮𑓂𑒫𑒩𑒴𑒣𑒰 𑒮𑓂𑒤𑒳𑒙𑒰𑒮𑓂𑒤𑒳𑒙𑒰 𑒮𑓂𑒤𑒼𑒙𑒫𑒱𑒏𑒰𑒬𑒩𑒴𑒣𑒰 ॥ 𑓘॥

𑒨𑒮𑓂𑒧𑒱𑒢𑓂 𑒨𑒞𑒼 𑒨𑒮𑓂𑒨 𑒔 𑒨𑒹𑒢 𑒨𑒔𑓂𑒔 𑒏𑒮𑓂𑒧𑒱𑒢𑓂𑒏𑒳𑒞𑓁 𑒏𑒮𑓂𑒨 𑒔 𑒏𑒹𑒢 𑒏𑒱𑒘𑓂𑒔 ।
𑒃𑒞𑓂𑒨𑒰𑒠𑒱𑒬𑒥𑓂𑒠𑒻𑒩𑓂𑒢 𑒫𑒱𑒬𑒼𑒡𑒢𑒲𑒨𑒰 𑒏𑒳𑒞𑓁 𑒏𑒟𑓀 𑒮𑒰 𑒣𑒩𑒱𑒥𑒼𑒡𑒢𑒲𑒨𑒰 ॥ 𑓙॥

𑒢𑒱𑒞𑓂𑒨𑒰 𑒮𑒠𑒰 𑒮𑒩𑓂𑒫𑒑𑒞𑒰𑓄𑒣𑓂𑒨𑒪𑒏𑓂𑒭𑓂𑒨𑒰 𑒫𑒱𑒭𑓂𑒝𑒼𑒩𑓂𑒫𑒱𑒡𑒹𑓁 𑒬𑒓𑓂𑒏𑒩𑒞𑒼𑓄𑒣𑓂𑒨𑒦𑒱𑒢𑓂𑒢𑒰 ।
𑒬𑒏𑓂𑒞𑒱𑒮𑓂𑒫𑒩𑒴𑒣𑒰 𑒖𑒑𑒞𑒼𑓄𑒮𑓂𑒨 𑒬𑒏𑓂𑒞𑒱𑒩𑓂𑒖𑓂𑒘𑒰𑒞𑒳𑓀 𑒢 𑒬𑒏𑓂𑒨𑒰 𑒏𑒩𑒝𑒰𑒠𑒱𑒦𑒱𑒮𑓂𑒞𑓂𑒫𑒧𑓂 ॥ 𑓑𑓐॥

𑒞𑓂𑒨𑒏𑓂𑒞𑒮𑓂𑒞𑓂𑒫𑒨𑒰𑒞𑓂𑒨𑒢𑓂𑒞𑒢𑒱𑒩𑒮𑓂𑒞𑒥𑒳𑒠𑓂𑒡𑒱𑒩𑓂𑒢𑒩𑒼 𑒦𑒫𑒹𑒠𑓂 𑒫𑒻𑒦𑒫𑒦𑒰𑒑𑓂𑒨𑒯𑒲𑒢𑓁 ।
𑒯𑒱𑒧𑒰𑒪𑒨𑒰𑒠𑒣𑓂𑒨𑒡𑒱𑒏𑒼𑒞𑓂𑒩𑒞𑒼𑓄𑒣𑒱 𑒖𑒢𑒻𑒮𑓂𑒮𑒧𑒮𑓂𑒞𑒻𑒩𑒣𑒱 𑒪𑒓𑓂𑒒𑒢𑒲𑒨𑓁 ॥ 𑓑𑓑॥
𑒬𑒱𑒫𑒹 𑒯𑒩𑒾 𑒥𑓂𑒩𑒯𑓂𑒧𑒝𑒱 𑒦𑒰𑒢𑒳𑒔𑒢𑓂𑒠𑓂𑒩𑒨𑒼𑒬𑓂𑒔𑒩𑒰𑒔𑒩𑒹 𑒑𑒼𑒔𑒩𑒏𑒹𑓄𑒣𑓂𑒨𑒑𑒼𑒔𑒩𑒹 ।
𑒮𑒴𑒏𑓂𑒭𑓂𑒧𑒰𑒞𑒱𑒮𑒴𑒏𑓂𑒭𑓂𑒧𑒹 𑒧𑒯𑒞𑒼 𑒧𑒯𑒞𑓂𑒞𑒧𑒹 𑒏𑒪𑒰 𑒞𑓂𑒫𑒠𑒲𑒨𑒰 𑒫𑒱𑒧𑒪𑒰 𑒫𑒱𑒩𑒰𑒖𑒞𑒹 ॥ 𑓑𑓒॥

𑒮𑒳𑒡𑒰𑒧𑒩𑒢𑓂𑒠𑓀 𑒞𑒫 𑒣𑒰𑒠𑒣𑒠𑓂𑒧𑓀 𑒮𑓂𑒫𑒹 𑒧𑒰𑒢𑒮𑒹 𑒡𑒰𑒩𑒝𑒨𑒰 𑒢𑒱𑒡𑒰𑒨 ।
𑒥𑒳𑒠𑓂𑒡𑒱𑒩𑓂𑒧𑒱𑒪𑒱𑒢𑓂𑒠𑒲𑒦𑒫𑒞𑒰𑒢𑓂𑒧𑒠𑒲𑒨𑒰 𑒢𑒰𑒞𑓁 𑒣𑒩𑓀 𑒠𑒹𑒫𑒱 𑒫𑒩𑓀 𑒮𑒧𑒲𑒯𑒹 ॥ 𑓑𑓓॥

𑒠𑒲𑒢𑒹𑒭𑒳 𑒯𑒲𑒢𑒹𑒭𑒳 𑒑𑒞𑒰𑒠𑒩𑒹𑒭𑒳 𑒮𑓂𑒫𑒰𑒦𑒰𑒫𑒱𑒏𑒲 𑒞𑒹 𑒏𑒩𑒳𑒝𑒰 𑒣𑓂𑒩𑒮𑒱𑒠𑓂𑒡𑒰 ।
𑒁𑒞𑓁 𑒬𑒩𑒝𑓂𑒨𑒹 𑒬𑒩𑒝𑓀 𑒣𑓂𑒩𑒣𑒢𑓂𑒢𑓀 𑒑𑒵𑒯𑒰𑒝 𑒧𑒰𑒞𑓁 𑒣𑓂𑒩𑒝𑒨𑒰𑒘𑓂𑒖𑒪𑒱𑓀 𑒧𑒹 ॥ 𑓑𑓔॥

𑒣𑒚𑒞𑓁 𑒬‍𑒵𑒝𑓂𑒫𑒞𑒼 𑒫𑒰𑒣𑒱 𑒮𑒏𑒵𑒞𑓂𑒣𑓂𑒩𑒝𑒧𑒞𑒮𑓂𑒞𑒟𑒰 ।
𑒦𑒫𑓂𑒨𑒰𑒨 𑒖𑒑𑒞𑒼 𑒦𑒴𑒨𑒰𑒞𑓂 𑒣𑓂𑒩𑒝𑒨𑒮𑓂𑒨𑒰𑒧𑒘𑓂𑒖𑒪𑒱𑓁 ॥ 𑓑𑓕॥

॥ 𑒃𑒞𑒱 𑒑𑒰𑒨𑒞𑓂𑒩𑒲𑒫𑒢𑓂𑒠𑒢𑒰 𑒮𑒧𑒰𑒣𑓂𑒞𑒰 ॥