Shri Ganapati Atharvashirsha Stotra with Meaning

॥ ശ്രീ ഗണപത്യഥര്വശീര്ഷ ॥

॥ ശാന്തി പാഠ ॥

ഓം ഭദ്രം കര്ണേഭിഃ ശ‍ൃണുയാമ ദേവാ ।
ഭദ്രം പശ്യേമാക്ഷഭിര്യജത്രാഃ ॥
സ്ഥിരൈരങ്ഗൈസ്തുഷ്ടുവാംസസ്തനൂഭിഃ ।
വ്യശേമ ദേവഹിതം യദായുഃ ॥

ഓം സ്വസ്തി ന ഇന്ദ്രോ വൃദ്ധശ്രവാഃ ।
സ്വസ്തി നഃ പൂഷാ വിശ്വവേദാഃ ॥
സ്വസ്തിനസ്താര്ക്ഷ്യോ അരിഷ്ടനേമിഃ ।
സ്വസ്തി നോ ബൃഹസ്പതിര്ദധാതു ॥

ഓം തന്മാമവതു
തദ് വക്താരമവതു
അവതു മാമ്
അവതു വക്താരമ്
ഓം ശാംതിഃ । ശാംതിഃ ॥ ശാംതിഃ॥।

॥ ഉപനിഷത് ॥
ഹരിഃ ഓം നമസ്തേ ഗണപതയേ ॥
ത്വമേവ പ്രത്യക്ഷം തത്ത്വമസി ॥
ത്വമേവ കേവലം കര്താഽസി ॥
ത്വമേവ കേവലം ധര്താഽസി ॥
ത്വമേവ കേവലം ഹര്താഽസി ॥
ത്വമേവ സര്വം ഖല്വിദം ബ്രഹ്മാസി ॥
ത്വം സാക്ഷാദാത്മാഽസി നിത്യമ് ॥ ൧॥

॥ സ്വരൂപ തത്ത്വ ॥
ഋതം വച്മി ॥ സത്യം വച്മി ॥ ൨॥

അവ ത്വം മാമ് ॥
അവ വക്താരമ് ॥
അവ ശ്രോതാരമ് ॥
അവ ദാതാരമ് ॥
അവ ധാതാരമ് ॥
അവാനൂചാനമവ ശിഷ്യമ് ॥

അവ പശ്ചാത്താത് ॥
അവ പുരസ്താത് ॥
അവോത്തരാത്താത് ॥
അവ ദക്ഷിണാത്താത് ॥
അവ ചോര്ധ്വാത്താത് ॥
അവാധരാത്താത് ॥
സര്വതോ മാം പാഹി പാഹി സമംതാത് ॥ ൩॥

ത്വം വാങ്മയസ്ത്വം ചിന്മയഃ ॥
ത്വമാനംദമയസ്ത്വം ബ്രഹ്മമയഃ ॥
ത്വം സച്ചിദാനംദാദ്വിതീയോഽസി ॥
ത്വം പ്രത്യക്ഷം ബ്രഹ്മാസി ॥
ത്വം ജ്ഞാനമയോ വിജ്ഞാനമയോഽസി ॥ ൪॥

സര്വം ജഗദിദം ത്വത്തോ ജായതേ ॥
സര്വം ജഗദിദം ത്വത്തസ്തിഷ്ഠതി ॥
സര്വം ജഗദിദം ത്വയി ലയമേഷ്യതി ॥
സര്വം ജഗദിദം ത്വയി പ്രത്യേതി ॥

ത്വം ഭൂമിരാപോഽനലോഽനിലോ നഭഃ ॥
ത്വം ചത്വാരി വാക്പദാനി ॥ ൫॥

ത്വം ഗുണത്രയാതീതഃ ത്വമവസ്ഥാത്രയാതീതഃ ॥
ത്വം ദേഹത്രയാതീതഃ ॥ ത്വം കാലത്രയാതീതഃ ॥

ത്വം മൂലാധാരസ്ഥിതോഽസി നിത്യമ് ॥
ത്വം ശക്തിത്രയാത്മകഃ ॥
ത്വാം യോഗിനോ ധ്യായംതി നിത്യമ് ॥

ത്വം ബ്രഹ്മാ ത്വം വിഷ്ണുസ്ത്വം രുദ്രസ്ത്വം
ഇന്ദ്രസ്ത്വം അഗ്നിസ്ത്വം
വായുസ്ത്വം സൂര്യസ്ത്വം ചംദ്രമാസ്ത്വം
ബ്രഹ്മഭൂര്ഭുവഃസ്വരോമ് ॥ ൬॥

॥ ഗണേശ മംത്ര ॥

ഗണാദിം പൂര്വമുച്ചാര്യ വര്ണാദിം തദനംതരമ് ॥
അനുസ്വാരഃ പരതരഃ ॥
അര്ധേന്ദുലസിതമ് ॥
താരേണ ഋദ്ധമ് ॥
ഏതത്തവ മനുസ്വരൂപമ് ॥

ഗകാരഃ പൂര്വരൂപമ് ॥
അകാരോ മധ്യമരൂപമ് ॥
അനുസ്വാരശ്ചാന്ത്യരൂപമ് ॥
ബിന്ദുരുത്തരരൂപമ് ॥
നാദഃ സംധാനമ് ॥
സംഹിതാസംധിഃ ॥

സൈഷാ ഗണേശവിദ്യാ ॥
ഗണകഋഷിഃ ॥
നിചൃദ്ഗായത്രീച്ഛംദഃ ॥
ഗണപതിര്ദേവതാ ॥
ഓം ഗം ഗണപതയേ നമഃ ॥ ൭॥

॥ ഗണേശ ഗായത്രീ ॥

ഏകദംതായ വിദ്മഹേ । വക്രതുണ്ഡായ ധീമഹി ॥
തന്നോ ദംതിഃ പ്രചോദയാത് ॥ ൮॥

॥ ഗണേശ രൂപ ॥

ഏകദംതം ചതുര്ഹസ്തം പാശമംകുശധാരിണമ് ॥
രദം ച വരദം ഹസ്തൈര്ബിഭ്രാണം മൂഷകധ്വജമ് ॥
രക്തം ലംബോദരം ശൂര്പകര്ണകം രക്തവാസസമ് ॥
രക്തഗംധാനുലിപ്താംഗം രക്തപുഷ്പൈഃ സുപൂജിതമ് ॥

ഭക്താനുകംപിനം ദേവം ജഗത്കാരണമച്യുതമ് ॥
ആവിര്ഭൂതം ച സൃഷ്ട്യാദൌ പ്രകൃതേഃ പുരുഷാത്പരമ് ॥
ഏവം ധ്യായതി യോ നിത്യം സ യോഗീ യോഗിനാം വരഃ ॥ ൯॥

॥ അഷ്ട നാമ ഗണപതി ॥

നമോ വ്രാതപതയേ ।
നമോ ഗണപതയേ ।
നമഃ പ്രമഥപതയേ ।
നമസ്തേഽസ്തു ലംബോദരായൈകദംതായ ।
വിഘ്നനാശിനേ ശിവസുതായ ।
ശ്രീവരദമൂര്തയേ നമോ നമഃ ॥ ൧൦॥

॥ ഫലശ്രുതി ॥

ഏതദഥര്വശീര്ഷം യോഽധീതേ ॥ സ ബ്രഹ്മഭൂയായ കല്പതേ ॥
സ സര്വതഃ സുഖമേധതേ ॥ സ സര്വ വിഘ്നൈര്നബാധ്യതേ ॥
സ പംചമഹാപാപാത്പ്രമുച്യതേ ॥

സായമധീയാനോ ദിവസകൃതം പാപം നാശയതി ॥
പ്രാതരധീയാനോ രാത്രികൃതം പാപം നാശയതി ॥
സായംപ്രാതഃ പ്രയുംജാനോ അപാപോ ഭവതി ॥
സര്വത്രാധീയാനോഽപവിഘ്നോ ഭവതി ॥
ധര്മാര്ഥകാമമോക്ഷം ച വിംദതി ॥

ഇദമഥര്വശീര്ഷമശിഷ്യായ ന ദേയമ് ॥
യോ യദി മോഹാദ്ദാസ്യതി സ പാപീയാന് ഭവതി
സഹസ്രാവര്തനാത് യം യം കാമമധീതേ തം തമനേന സാധയേത് ॥ ൧൧॥

അനേന ഗണപതിമഭിഷിംചതി സ വാഗ്മീ ഭവതി ॥
ചതുര്ഥ്യാമനശ്നന് ജപതി സ വിദ്യാവാന് ഭവതി ।
സ യശോവാന് ഭവതി ॥
ഇത്യഥര്വണവാക്യമ് ॥
ബ്രഹ്മാദ്യാവരണം വിദ്യാത്
ന ബിഭേതി കദാചനേതി ॥ ൧൨॥

യോ ദൂര്വാംകുരൈര്യജതി സ വൈശ്രവണോപമോ ഭവതി ॥
യോ ലാജൈര്യജതി സ യശോവാന് ഭവതി ॥
സ മേധാവാന് ഭവതി ॥
യോ മോദകസഹസ്രേണ യജതി
സ വാഞ്ഛിതഫലമവാപ്നോതി ॥
യഃ സാജ്യസമിദ്ഭിര്യജതി
സ സര്വം ലഭതേ സ സര്വം ലഭതേ ॥ ൧൩॥

അഷ്ടൌ ബ്രാഹ്മണാന് സമ്യഗ്ഗ്രാഹയിത്വാ
സൂര്യവര്ചസ്വീ ഭവതി ॥
സൂര്യഗ്രഹേ മഹാനദ്യാം പ്രതിമാസംനിധൌ
വാ ജപ്ത്വാ സിദ്ധമംത്രോ ഭവതി ॥
മഹാവിഘ്നാത്പ്രമുച്യതേ ॥
മഹാദോഷാത്പ്രമുച്യതേ ॥
മഹാപാപാത് പ്രമുച്യതേ ॥
സ സര്വവിദ്ഭവതി സ സര്വവിദ്ഭവതി ॥
യ ഏവം വേദ ഇത്യുപനിഷത് ॥ ൧൪॥

॥ ശാന്തി മംത്ര ॥

ഓം സഹനാവവതു ॥ സഹനൌഭുനക്തു ॥
സഹ വീര്യം കരവാവഹൈ ॥
തേജസ്വിനാവധീതമസ്തു മാ വിദ്വിഷാവഹൈ ॥

ഓം ഭദ്രം കര്ണേഭിഃ ശ‍ൃണുയാമ ദേവാ ।
ഭദ്രം പശ്യേമാക്ഷഭിര്യജത്രാഃ ॥
സ്ഥിരൈരംഗൈസ്തുഷ്ടുവാംസസ്തനൂഭിഃ ।
വ്യശേമ ദേവഹിതം യദായുഃ ॥

ഓം സ്വസ്തി ന ഇന്ദ്രോ വൃദ്ധശ്രവാഃ ।
സ്വസ്തി നഃ പൂഷാ വിശ്വവേദാഃ ॥
സ്വസ്തിനസ്താര്ക്ഷ്യോ അരിഷ്ടനേമിഃ ।
സ്വസ്തി നോ ബൃഹസ്പതിര്ദധാതു ॥

ഓം ശാംതിഃ । ശാംതിഃ ॥ ശാംതിഃ ॥।
॥ ഇതി ശ്രീഗണപത്യഥര്വശീര്ഷം സമാപ്തമ് ॥