Select Language AssameseBalineseBengaliBurmeseChamCyrillicDevanagari (Hindi)IAST (English)GujaratiGurmukhiJavaneseKannadaKhamti shanKhmerLaoLepchaLimbuMalayalamManipuriMonMroOriyaRohingyaShanSinhalaTamilTeluguThaiTibetanUrduGondi gunjalaGondi masaramOl chikiSora sompengTakriTirhuta maithiliWanchoWarang citiTagbanwaItransIsoHkSlp1

SrIgaReSAya namaH .

gururbrahmA gururvizRuH gururdevo maheSvaraH .
guruH sAkzAt paraM brahma tasmE SrIgurave namaH .. 1..

DyAnamUlaM gurormUrtiH pUjAmUlaM guroH padam .
mantramUlaM gurorvAkyaM mokzamUlaM guroH kfpA .. 2..

nityAnandaM paramasuKadaM kevalaM jYAnamUrtiM
BAvAtItaM gaganasadfSaM tattvamasyAdilakzyam .
ekaM nityaM vimalamacalaM sarvaDIsAkziBUtaM
viSvAtItaM triguRarahitaM sadguruM taM namAmi .. 3..

ajYAnatimirAnDasya jYAnAYjana SalAkayA .
cakzurunmIlitaM yena tasmE SrIgurave namaH .. 4..

cEtanyaM SASvataM SAntaM vyomAtItaM niraYjanam .
nAdabindukalAtItaM tasmE SrIgurave namaH .. 5..

aKaRqamaRqalAkAraM vyAptaM yena carAcaram .
tatpadaM darSitaM yena tasmE SrIgurave namaH .. 6..

sTAvaraM jaNgamaM vyAptaM yatkiYcitsacarAcaram .
tatpadaM darSitaM yena tasmE SrIgurave namaH .. 7..

cinmayaM vyApitaM sarvaM trElokyaM sacarAcram .
asitvaM darSitaM yena tasmE SrIgurave namaH .. 8..

saccidAnandarUpAya vyApine paramAtmane .
namaH SrIgurunATAya prakASAnandamUrtaye .. 9..

jYAnaSaktiM samAruhya tattvamAlAviBUziRe .
BuktimuktipradAtre ca tasmE SrIgurave namaH .. 10..

anekajanmasamprApta karmaDarmavidAhine .
jYAnAnalpa praBAvena tasmE SrIgurave namaH .. 11..

mannATaH SrIjagannATo madguruH SrIjagadguruH .
svAtmEva sarvaBUtAtmA tasmE SrIgurave namaH .. 12..

guruH Sivo gururdevo gururbanDuH SarIriRAm .
gururAtmA gururjIvo guroranyanna vidyate .. 13..

brahmAnandaM paramasuKadaM yoginAmapyagamyaM
dvandvAtItaM gaganasadfSaM tattvamastyAdilakzyam .
ekaM nityaM vimalamacalaM sarvaDIsAkzIBUtaM
BAvAtItaM triguRarahitaM sadguruM taM namAmi .. 14..

SrutismftipurARAnAmAlayaM karuRAlayam .
namAmi BagavatpAdaM SaNkaraM lokaSaNkaram .. 15..

gururDAmnA mahimnA ca SaNkaro yo virAjate .
tatpadAmBoruharajaH kaRAyAstu namo mama .. 16..

gurave sarvalokAnAM Bizaje BavarogiRAm .
niDaye sarvavidyAnAM dakziRAmUrtaye namaH .. 17..

vande gurupadadvandvaM avANmanasagocaram .
raktaSukla praBAmiSraM atarkyaM trEpuraM mahaH .. 18..