Select Language AssameseBalineseBengaliBurmeseChamCyrillicDevanagari (Hindi)IAST (English)GujaratiGurmukhiJavaneseKannadaKhamti shanKhmerLaoLepchaLimbuMalayalamManipuriMonMroOriyaRohingyaShanSinhalaTamilTeluguThaiTibetanUrduGondi gunjalaGondi masaramOl chikiSora sompengTakriTirhuta maithiliWanchoWarang citiTagbanwaItransIsoHkSlp1

ଶ୍ରୀଗଣେଶାଯ ନମଃ ।
ଶ୍ରୀଭୈରଵ ଉଵାଚ ।
ଅଧୁନା ଶ‍ୃଣୁ ଦେଵେଶି ସହସ୍ରାଖ୍ଯସ୍ତଵୋତ୍ତମମ୍ ।
ମହାମୃତ୍ଯୁଞ୍ଜଯସ୍ଯାସ୍ଯ ସାରାତ୍ ସାରୋତ୍ତମୋତ୍ତମମ୍ ॥

ଅସ୍ଯ ଶ୍ରୀମହାମୃତ୍ଯୁଞ୍ଜସହସ୍ରନାମସ୍ତୋତ୍ର ମନ୍ତ୍ରସ୍ଯ,
ଭୈରଵ ଋଷିଃ, ଉଷ୍ଣିକ୍ ଛନ୍ଦଃ, ଶ୍ରୀମହାମୃତ୍ଯୁଞ୍ଜଯୋ ଦେଵତା,
ଓଁ ବୀଜଂ, ଜୁଂ ଶକ୍ତିଃ, ସଃ କୀଲକଂ, ପୁରୁଷାର୍ଥସିଦ୍ଧଯେ
ସହସ୍ରନାମ ପାଠେ ଵିନିଯୋଗଃ ।
ଧ୍ଯାନମ୍ -
ଉଦ୍ଯଚ୍ଚନ୍ଦ୍ରସମାନଦୀପ୍ତିମମୃତାନନ୍ଦୈକହେତୁଂ ଶିଵଂ
ଓଁ ଜୁଂ ସଃ ଭୁଵନୈକସୃଷ୍ଟିପ୍ର(ଵି)ଲଯୋଦ୍ଭୂତ୍ଯେକରକ୍ଷାକରମ୍ ।
ଶ୍ରୀମତ୍ତାରଦଶାର୍ଣମଣ୍ଡିତତନୁଂ ତ୍ର୍ଯକ୍ଷଂ ଦ୍ଵିବାହୁଂ ପରଂ
ଶ୍ରୀମୃତ୍ଯୁଞ୍ଜଯମୀଡ୍ଯଵିକ୍ରମଗୁଣୈଃ ପୂର୍ଣଂ ହୃଦବ୍ଜେ ଭଜେ ॥

ଅଥ ସ୍ତୋତ୍ରମ୍ -
ଓଁ ଜୁଂ ସଃ ହୌଂ ମହାଦେଵୋ ମନ୍ତ୍ରଜ୍ଞୋ ମାନଦାଯକଃ । (ମନ୍ତ୍ରେଶୋ ମନ୍ତ୍ରନାଯକଃ)
ମାନୀ ମନୋରମାଙ୍ଗଶ୍ଚ ମନସ୍ଵୀ ମାନଵର୍ଧନଃ ॥ ୧॥

ମାଯାକର୍ତା ମଲ୍ଲରୂପୋ ମଲ୍ଲମାରାନ୍ତକୋ ମୁନିଃ ।
ମହେଶ୍ଵରୋ ମହାମାନ୍ଯୋ ମନ୍ତ୍ରୀ ମନ୍ତ୍ରିଜନପ୍ରିଯଃ ॥ ୨॥

ମାରୁତୋ ମରୁତାଂ ଶ୍ରେଷ୍ଠୋ ମାସିକଃ ପକ୍ଷିକୋଽମୃତଃ ।
ମାତଙ୍ଗକୋ ମତ୍ତଚିତ୍ତୋ ମତ୍ତଚିନ୍ମତ୍ତଭାଵନଃ ॥ ୩॥

ମାନଵେଷ୍ଟପ୍ରଦୋ ମେଷୋ ମେନକାପତିଵଲ୍ଲଭଃ ।
ମାନକାଯୋ ମଧୁସ୍ତେଯୀ ମାରଯୁକ୍ତୋ ଜିତେନ୍ଦ୍ରିଯଃ ॥ ୪॥

ଜଯୋ ଵିଜଯଦୋ ଜେତା ଜଯେଶୋ ଜଯଵଲ୍ଲଭଃ ।
ଡାମରେଶୋ ଵିରୂପାକ୍ଷୋ ଵିଶ୍ଵଭୋକ୍ତା ଵିଭାଵସୁଃ ॥ ୫॥

ଵିଶ୍ଵେଶୋ ଵିଶ୍ଵନାଥଶ୍ଚ ଵିଶ୍ଵସୂର୍ଵିଶ୍ଵନାଯକଃ । (ଵିଶ୍ଵତାତଶ୍ଚ)
ଵିନେତା ଵିନଯୀ ଵାଦୀ ଵାନ୍ତଦୋ ଵାକ୍ପ୍ରଦୋ ଵଟୁଃ ॥ ୬॥

ସ୍ଥୂଲଃ ସୂକ୍ଷ୍ମୋଽଚଲୋ ଲୋଲୋ ଲୋଲଜିହ୍ଵଃ କରାଲକଃ । (ସୂକ୍ଷ୍ମଶ୍ଚଲୋ)
ଵିରାଧେଯୋ ଵିରାଗୀନୋ ଵିଲାସୀ ଲାସ୍ଯଲାଲସଃ ॥ ୭॥

ଲୋଲାକ୍ଷୋ ଲୋଲଧୀର୍ଧର୍ମୀ ଧନଦୋ ଧନଦାର୍ଚିତଃ ।
ଧନୀ ଧ୍ଯେଯୋଽପ୍ଯଧ୍ଯେଯଶ୍ଚ ଧର୍ମ୍ଯୋ ଧର୍ମମଯୋଦଯଃ ॥ ୮॥

ଦଯାଵାନ୍ ଦେଵଜନକୋ ଦେଵସେଵ୍ଯୋ ଦଯାପତିଃ ।
ଡୁଲିଚକ୍ଷୁର୍ଦରୀଵାସୋ ଦମ୍ଭୀ ଦେଵମଯାତ୍ମକଃ ॥ ୯॥

କୁରୂପଃ କୀର୍ତିଦଃ କାନ୍ତଃ କ୍ଲୀବୋଽକ୍ଲୀବାତ୍ମକଃ କୁଜଃ ।
ବୁଧୋ ଵିଦ୍ଯାମଯଃ କାମୀ କାମକାଲାନ୍ଧକାନ୍ତକଃ ॥ ୧୦॥

ଜୀଵୋ ଜୀଵପ୍ରଦଃ ଶୁକ୍ରଃ ଶୁଦ୍ଧଃ ଶର୍ମପ୍ରଦୋଽନଘଃ ।
ଶନୈଶ୍ଚରୋ ଵେଗଗତିର୍ଵାଚାଲୋ ରାହୁରଵ୍ଯଯଃ ॥ ୧୧॥

କେତୁଃ କାରାପତିଃ କାଲଃ ସୂର୍ଯୋଽମିତପରାକ୍ରମଃ ।
ଚନ୍ଦ୍ରୋ ରୁଦ୍ରପତିଃ ଭାସ୍ଵାନ୍ ଭାଗ୍ଯଦୋ ଭର୍ଗରୂପଭୃତ୍ ॥ ୧୨॥

କ୍ରୂରୋ ଧୂର୍ତୋ ଵିଯୋଗୀ ଚ ସଙ୍ଗୀ ଗଙ୍ଗାଧରୋ ଗଜଃ ।
ଗଜାନନପ୍ରିଯୋ ଗୀତୋ ଗାନୀ ସ୍ନାନାର୍ଚନପ୍ରିଯଃ ॥ ୧୩॥

ପରମଃ ପୀଵରାଙ୍ଗଶ୍ଚ ପାର୍ଵତୀଵଲ୍ଲଭୋ ମହାନ୍ ।
ପରାତ୍ମକୋ ଵିରାଡ୍ଧୌମ୍ଯଃ ଵାନରୋଽମିତକର୍ମକୃତ୍ ॥ ୧୪॥

ଚିଦାନନ୍ଦୀ ଚାରୁରୂପୋ ଗାରୁଡୋ ଗରୁଡପ୍ରିଯଃ ।
ନନ୍ଦୀଶ୍ଵରୋ ନଯୋ ନାଗୋ ନାଗାଲଙ୍କାରମଣ୍ଡିତଃ ॥ ୧୫॥

ନାଗହାରୋ ମହାନାଗୋ ଗୋଧରୋ ଗୋପତିସ୍ତପଃ ।
ତ୍ରିଲୋଚନସ୍ତ୍ରିଲୋକେଶସ୍ତ୍ରିମୂର୍ତିସ୍ତ୍ରିପୁରାନ୍ତକଃ ॥ ୧୬॥

ତ୍ରିଧାମଯୋ ଲୋକମଯୋ ଲୋକୈକଵ୍ଯସନାପହଃ ।
ଵ୍ଯସନୀ ତୋଷିତଃ ଶମ୍ଭୁସ୍ତ୍ରିଧାରୂପସ୍ତ୍ରିଵର୍ଣଭାକ୍ ॥ ୧୭॥

ତ୍ରିଜ୍ଯୋତିସ୍ତ୍ରିପୁରୀନାଥସ୍ତ୍ରିଧାଶାନ୍ତସ୍ତ୍ରିଧାଗତିଃ ।
ତ୍ରିଧାଗୁଣୀ ଵିଶ୍ଵକର୍ତା ଵିଶ୍ଵଭର୍ତା ଅଧିପୂରୁଷଃ ॥ ୧୮॥ (ତ୍ରିପୂରୁଷଃ)

ଉମେଶୋ ଵାସୁକିର୍ଵୀରୋ ଵୈନତେଯୋ ଵିଚାରକୃତ୍ ।
ଵିଵେକାକ୍ଷୋ ଵିଶାଲାକ୍ଷୋଽଵିଧିର୍ଵିଧିରନୁତ୍ତମଃ ॥ ୧୯॥

ଵିଦ୍ଯାନିଧିଃ ସରୋଜାକ୍ଷୋ ନିଃସ୍ମରଃ ସ୍ମରନାଶନଃ ।
ସ୍ମୃତିମାନ୍ ସ୍ମୃତିଦଃ ସ୍ମାର୍ତୋ ବ୍ରହ୍ମା ବ୍ରହ୍ମଵିଦାଂ ଵରଃ ॥ ୨୦॥

ବ୍ରାହ୍ମଵ୍ରତୀ ବ୍ରହ୍ମଚାରୀ ଚତୁରଶ୍ଚତୁରାନନଃ ।
ଚଲାଚଲୋଽଚଲଗତିର୍ଵେଗୀ ଵୀରାଧିପୋ ଵରଃ ॥ ୨୧॥

ସର୍ଵଵାସଃ ସର୍ଵଗତିଃ ସର୍ଵମାନ୍ଯଃ ସନାତନଃ ।
ସର୍ଵଵ୍ଯାପୀ ସର୍ଵରୂପଃ ସାଗରଶ୍ଚ ସମେଶ୍ଵରଃ ॥ ୨୨॥

ସମନେତ୍ରଃ ସମଦ୍ଯୁତିଃ ସମକାଯଃ ସରୋଵରଃ ।
ସରସ୍ଵାନ୍ ସତ୍ଯଵାକ୍ ସତ୍ଯଃ ସତ୍ଯରୂପଃ ସୁଧୀଃ ସୁଖୀ ॥ ୨୩॥

ସ୍ଵରାଟ୍ ସତ୍ଯଃ ସତ୍ଯମତୀ ରୁଦ୍ରୋ ରୌଦ୍ରଵପୁର୍ଵସୁଃ ।
ଵସୁମାନ୍ ଵସୁଧାନାଥୋ ଵସୁରୂପୋ ଵସୁପ୍ରଦଃ ॥ ୨୪॥

ଈଶାନଃ ସର୍ଵଦେଵାନାମୀଶାନଃ ସର୍ଵବୋଧିନାମ୍ ।
ଈଶୋଽଵଶେଷୋଽଵଯଵୀ ଶେଷଶାଯୀ ଶ୍ରିଯଃ ପତିଃ ॥ ୨୫॥

ଇନ୍ଦ୍ରଶ୍ଚନ୍ଦ୍ରାଵତଂସୀ ଚ ଚରାଚରଜଗତ୍ସ୍ଥିତିଃ ।
ସ୍ଥିରଃ ସ୍ଥାଣୁରଣୁଃ ପୀନଃ ପୀନଵକ୍ଷାଃ ପରାତ୍ପରଃ ॥ ୨୬॥

ପୀନରୂପୋ ଜଟାଧାରୀ ଜଟାଜୂଟସମାକୁଲଃ ।
ପଶୁରୂପଃ ପଶୁପତିଃ ପଶୁଜ୍ଞାନୀ ପଯୋନିଧିଃ ॥ ୨୭॥

ଵେଦ୍ଯୋ ଵୈଦ୍ଯୋ ଵେଦମଯୋ ଵିଧିଜ୍ଞୋ ଵିଧିମାନ୍ ମୃଡଃ ।
ଶୂଲୀ ଶୁଭଙ୍କରଃ ଶୋଭ୍ଯଃ ଶୁଭକର୍ତା ଶଚୀପତିଃ ॥ ୨୮॥

ଶଶାଙ୍କଧଵଲଃ ସ୍ଵାମୀ ଵଜ୍ରୀ ଶଙ୍ଖୀ ଗଦାଧରଃ ।
ଚତୁର୍ଭୁଜଶ୍ଚାଷ୍ଟଭୁଜଃ ସହସ୍ରଭୁଜମଣ୍ଡିତଃ ॥ ୨୯॥

ସ୍ରୁଵହସ୍ତୋ ଦୀର୍ଘକେଶୋ ଦୀର୍ଘୋ ଦମ୍ଭଵିଵର୍ଜିତଃ ।
ଦେଵୋ ମହୋଦଧିର୍ଦିଵ୍ଯୋ ଦିଵ୍ଯକୀର୍ତିର୍ଦିଵାକରଃ ॥ ୩୦॥

ଉଗ୍ରରୂପ ଉଗ୍ରପତିରୁଗ୍ରଵକ୍ଷାସ୍ତପୋମଯଃ ।
ତପସ୍ଵୀ ଜଟିଲସ୍ତାପୀ ତାପହା ତାପଵର୍ଜିତଃ ॥ ୩୧॥

ହଵିର୍ହରୋ ହଯପତିର୍ହଯଦୋ ହରିମଣ୍ଡିତଃ ।
ହରିଵାହୀ ମହୌଜସ୍କୋ ନିତ୍ଯୋ ନିତ୍ଯାତ୍ମକୋଽନଲଃ ॥ ୩୨॥

ସମ୍ମାନୀ ସଂସୃତିର୍ହାରୀ ସର୍ଗୀ ସନ୍ନିଧିରନ୍ଵଯଃ ।
ଵିଦ୍ଯାଧରୋ ଵିମାନୀ ଚ ଵୈମାନିକଵରପ୍ରଦଃ ॥ ୩୩॥

ଵାଚସ୍ପତିର୍ଵସାସାରୋ ଵାମାଚାରୀ ବଲନ୍ଧରଃ ।
ଵାଗ୍ଭଵୋ ଵାସଵୋ ଵାଯୁର୍ଵାସନାବୀଜମଣ୍ଡିତଃ ॥ ୩୪॥

ଵାସୀ କୋଲଶ‍ୃତିର୍ଦକ୍ଷୋ ଦକ୍ଷଯଜ୍ଞଵିନାଶନଃ ।
ଦାକ୍ଷୋ ଦୌର୍ଭାଗ୍ଯହା ଦୈତ୍ଯମର୍ଦନୋ ଭୋଗଵର୍ଧନଃ ॥ ୩୫॥

ଭୋଗୀ ରୋଗହରୋ ହେଯୋ ହାରୀ ହରିଵିଭୂଷଣଃ ।
ବହୁରୂପୋ ବହୁମତିର୍ବହୁଵିତ୍ତୋ ଵିଚକ୍ଷଣଃ ॥ ୩୬॥

ନୃତ୍ତକୃଚ୍ଚିତ୍ତସନ୍ତୋଷୋ ନୃତ୍ତଗୀତଵିଶାରଦଃ ।
ଶରଦ୍ଵର୍ଣଵିଭୂଷାଢ୍ଯୋ ଗଲଦଗ୍ଧୋଽଘନାଶନଃ ॥ ୩୭॥

ନାଗୀ ନାଗମଯୋଽନନ୍ତୋଽନନ୍ତରୂପଃ ପିନାକଭୃତ୍ ।
ନଟନୋ ହାଟକେଶାନୋ ଵରୀଯାଂଶ୍ଚ ଵିଵର୍ଣଭୃତ୍ ॥ ୩୮॥

ଝାଙ୍କାରୀ ଟଙ୍କହସ୍ତଶ୍ଚ ପାଶୀ ଶାର୍ଙ୍ଗୀ ଶଶିପ୍ରଭଃ ।
ସହସ୍ରରୂପୋ ସମଗୁଃ ସାଧୂନାମଭଯପ୍ରଦଃ ॥ ୩୯॥

ସାଧୁସେଵ୍ଯଃ ସାଧୁଗତିଃ ସେଵାଫଲପ୍ରଦୋ ଵିଭୁଃ ।
ସୁମହା ମଦ୍ଯପୋ ମତ୍ତୋ ମତ୍ତମୂର୍ତିଃ ସୁମନ୍ତକଃ ॥ ୪୦॥

କୀଲୀ ଲୀଲାକରୋ ଲାନ୍ତଃ ଭଵବନ୍ଧୈକମୋଚନଃ ।
ରୋଚିଷ୍ଣୁର୍ଵିଷ୍ଣୁରଚ୍ଯୁତ ଅମୂର୍ତୋ ନୂତନୋ ନଵଃ ॥ ୪୧॥

ନ୍ଯଗ୍ରୋଧରୂପୋ ଭଯଦୋ ଭଯହାଽଭୀତିଧାରଣଃ ।
ଧରଣୀଧରସେଵ୍ଯଶ୍ଚ ଧରାଧରସୁତାପତିଃ ॥ ୪୨॥

ଧରାଧରୋଽନ୍ଧକରିପୁର୍ଵିଜ୍ଞାନୀ ମୋହଵର୍ଜିତଃ ।
ସ୍ଥାଣୁକେଶୋ ଜଟୀ ଗ୍ରାମ୍ଯୋ ଗ୍ରାମାରାମୋ ରମାପ୍ରିଯଃ ॥ ୪୩॥

ପ୍ରିଯକୃତ୍ ପ୍ରିଯରୂପଶ୍ଚ ଵିପ୍ରଯୋଗୀ ପ୍ରତାପନଃ ।
ପ୍ରଭାକରଃ ପ୍ରଭାଦୀପ୍ତୋ ମନ୍ଯୁମାନଵନୀଶ୍ଵରଃ ॥ ୪୪॥

ତୀକ୍ଷ୍ଣବାହୁସ୍ତୀକ୍ଷ୍ଣକରସ୍ତୀକ୍ଷ୍ଣାଂଶୁସ୍ତୀକ୍ଷ୍ଣଲୋଚନଃ ।
ତୀକ୍ଷ୍ଣଚିତ୍ତସ୍ତ୍ରଯୀରୂପସ୍ତ୍ରଯୀମୂର୍ତିସ୍ତ୍ରଯୀତନୁଃ ॥ ୪୫॥

ହଵିର୍ଭୁଘଵିଷାଂ ଜ୍ଯୋତିର୍ହାଲାହଲୋ ହଲୀପତିଃ ।
ହଵିଷ୍ମଲ୍ଲୋଚନୋ ହାଲାମଯୋ ହରିତରୂପଭୃତ୍ ॥ ୪୬॥

ମ୍ରଦିମାଽଽମ୍ରମଯୋ ଵୃକ୍ଷୋ ହୁତାଶୋ ହୁତଭୁଗ୍ଗୁଣୀ ।
ଗୁଣଜ୍ଞୋ ଗରୁଡୋ ଗାନତତ୍ପରୋ ଵିକ୍ରମୀ କ୍ରମୀ ॥ ୪୭॥

କ୍ରମେଶ୍ଵରଃ କ୍ରମକରଃ କ୍ରମିକୃତ୍ କ୍ଲାନ୍ତମାନସଃ ।
ମହାତେଜା ମହାମାରୋ ମୋହିତୋ ମୋହଵଲ୍ଲଭଃ ॥ ୪୮॥

ମନସ୍ଵୀ ତ୍ରିଦଶୋ ବାଲୋ ବାଲାପତିରଘାପହଃ ।
ବାଲ୍ଯୋ ରିପୁହରୋ ହାର୍ଯୋ ଗଵିର୍ଗଵିମତୋଽଗୁଣଃ ॥ ୪୯॥

ସଗୁଣୋ ଵିତ୍ତରାଡ୍ଵୀର୍ଯୋ ଵିରୋଚନୋ ଵିଭାଵସୁଃ ।
ମାଲାମଯୋ ମାଧଵଶ୍ଚ ଵିକର୍ତନୋଽଵିକତ୍ଥନଃ ॥ ୫୦॥

ମାନକୃନ୍ମୁକ୍ତିଦୋଽତୁଲ୍ଯୋ ମୁଖ୍ଯଃ ଶତ୍ରୁଭଯଙ୍କରଃ ।
ହିରଣ୍ଯରେତାଃ ସୁଭଗଃ ସତୀନାଥଃ ସିରାପତିଃ ॥ ୫୧॥

ମେଢ୍ରୀ ମୈନାକଭଗିନୀପତିରୁତ୍ତମରୂପଭୃତ୍ ।
ଆଦିତ୍ଯୋ ଦିତିଜେଶାନୋ ଦିତିପୁତ୍ରକ୍ଷଯଙ୍କରଃ ॥ ୫୨॥

ଵସୁଦେଵୋ ମହାଭାଗ୍ଯୋ ଵିଶ୍ଵାଵସୁର୍ଵସୁପ୍ରିଯଃ ।
ସମୁଦ୍ରୋଽମିତତେଜାଶ୍ଚ ଖଗେନ୍ଦ୍ରୋ ଵିଶିଖୀ ଶିଖୀ ॥ ୫୩॥

ଗରୁତ୍ମାନ୍ ଵଜ୍ରହସ୍ତଶ୍ଚ ପୌଲୋମୀନାଥ ଈଶ୍ଵରଃ ।
ଯଜ୍ଞପେଯୋ ଵାଜପେଯଃ ଶତକ୍ରତୁଃ ଶତାନନଃ ॥ ୫୪॥

ପ୍ରତିଷ୍ଠସ୍ତୀଵ୍ରଵିସ୍ରମ୍ଭୀ ଗମ୍ଭୀରୋ ଭାଵଵର୍ଧନଃ ।
ଗାଯିଷ୍ଠୋ ମଧୁରାଲାପୋ ମଧୁମତ୍ତଶ୍ଚ ମାଧଵଃ ॥ ୫୫॥

ମାଯାତ୍ମା ଭୋଗିନାଂ ତ୍ରାତା ନାକିନାମିଷ୍ଟଦାଯକଃ ।
ନାକେନ୍ଦ୍ରୋ ଜନକୋ ଜନ୍ଯଃ ସ୍ତମ୍ଭନୋ ରମ୍ଭନାଶନଃ ॥ ୫୬॥

ଶଙ୍କର ଈଶ୍ଵର ଈଶଃ ଶର୍ଵରୀପତିଶେଖରଃ ।
ଲିଙ୍ଗାଧ୍ଯକ୍ଷଃ ସୁରାଧ୍ଯକ୍ଷୋ ଵେଦାଧ୍ଯକ୍ଷୋ ଵିଚାରକଃ ॥ ୫୭॥

ଭର୍ଗୋଽନର୍ଘ୍ଯୋ ନରେଶାନୋ ନରଵାହନସେଵିତଃ ।
ଚତୁରୋ ଭଵିତା ଭାଵୀ ଭାଵଦୋ ଭଵଭୀତିହା ॥ ୫୮॥

ଭୂତେଶୋ ମହିତୋ ରାମୋ ଵିରାମୋ ରାତ୍ରିଵଲ୍ଲଭଃ ।
ମଙ୍ଗଲୋ ଧରଣୀପୁତ୍ରୋ ଧନ୍ଯୋ ବୁଦ୍ଧିଵିଵର୍ଧନଃ ॥ ୫୯॥

ଜଯୀ ଜୀଵେଶ୍ଵରୋ ଜାରୋ ଜାଠରୋ ଜହ୍ନୁତାପନଃ ।
ଜହ୍ନୁକନ୍ଯାଧରଃ କଲ୍ପୋ ଵତ୍ସରୋ ମାସରୂପଧୃତ୍ ॥ ୬୦॥

ଋତୁରୃଭୁସୁତାଧ୍ଯକ୍ଷୋ ଵିହାରୀ ଵିହଗାଧିପଃ ।
ଶୁକ୍ଲାମ୍ବରୋ ନୀଲକଣ୍ଠଃ ଶୁକ୍ଲୋ ଭୃଗୁସୁତୋ ଭଗଃ ॥ ୬୧॥

ଶାନ୍ତଃ ଶିଵପ୍ରଦୋଽଭେଦ୍ଯୋଽଭେଦକୃଚ୍ଛାନ୍ତକୃତ୍ ପତିଃ ।
ନାଥୋ ଦାନ୍ତୋ ଭିକ୍ଷୁରୂପୀ ଦାତୃଶ୍ରେଷ୍ଠୋ ଵିଶାମ୍ପତିଃ ॥ ୬୨॥

କୁମାରଃ କ୍ରୋଧନଃ କ୍ରୋଧୀ ଵିରୋଧୀ ଵିଗ୍ରହୀ ରସଃ ।
ନୀରସଃ ସରସଃ ସିଦ୍ଧୋ ଵୃଷଣୀ ଵୃଷଘାତନଃ ॥ ୬୩॥

ପଞ୍ଚାସ୍ଯଃ ଷଣ୍ମୁଖଶ୍ଚୈଵ ଵିମୁଖଃ ସୁମୁଖୀପ୍ରିଯଃ ।
ଦୁର୍ମୁଖୋ ଦୁର୍ଜଯୋ ଦୁଃଖୀ ସୁଖୀ ସୁଖଵିଲାସଦଃ ॥ ୬୪॥

ପାତ୍ରୀ ପୌତ୍ରୀ ପଵିତ୍ରଶ୍ଚ ଭୂତାତ୍ମା ପୂତନାନ୍ତକଃ ।
ଅକ୍ଷରଂ ପରମଂ ତତ୍ତ୍ଵଂ ବଲଵାନ୍ ବଲଘାତନଃ ॥ ୬୫॥

ଭଲ୍ଲୀ ଭୌଲିର୍ଭଵାଭାଵୋ ଭାଵାଭାଵଵିମୋଚନଃ ।
ନାରାଯଣୋ ମୁକ୍ତକେଶୋ ଦିଗ୍ଦେଵୋ ଧର୍ମନାଯକଃ ॥ ୬୬॥

କାରାମୋକ୍ଷପ୍ରଦୋଽଜେଯୋ ମହାଙ୍ଗଃ ସାମଗାଯନଃ ।
ତତ୍ସଙ୍ଗମୋ ନାମକାରୀ ଚାରୀ ସ୍ମରନିଷୂଦନଃ ॥ ୬୭॥

କୃଷ୍ଣଃ କୃଷ୍ଣାମ୍ବରଃ ସ୍ତୁତ୍ଯସ୍ତାରାଵର୍ଣସ୍ତ୍ରପାକୁଲଃ ।
ତ୍ରପାଵାନ୍ ଦୁର୍ଗତିତ୍ରାତା ଦୁର୍ଗମୋ ଦୁର୍ଗଘାତନଃ ॥ ୬୮॥

ମହାପାଦୋ ଵିପାଦଶ୍ଚ ଵିପଦାଂ ନାଶକୋ ନରଃ ।
ମହାବାହୁର୍ମହୋରସ୍କୋ ମହାନନ୍ଦପ୍ରଦାଯକଃ ॥ ୬୯॥

ମହାନେତ୍ରୋ ମହାଦାତା ନାନାଶାସ୍ତ୍ରଵିଚକ୍ଷଣଃ ।
ମହାମୂର୍ଧା ମହାଦନ୍ତୋ ମହାକର୍ଣୋ ମହୋରଗଃ ॥ ୭୦॥

ମହାଚକ୍ଷୁର୍ମହାନାସୋ ମହାଗ୍ରୀଵୋ ଦିଗାଲଯଃ ।
ଦିଗ୍ଵାସା ଦିତିଜେଶାନୋ ମୁଣ୍ଡୀ ମୁଣ୍ଡାକ୍ଷସୂତ୍ରଧୃତ୍ ॥ ୭୧॥

ଶ୍ମଶାନନିଲଯୋଽରାଗୀ ମହାକଟିରନୂତନଃ ।
ପୁରାଣପୁରୁଷୋଽପାରଃ ପରମାତ୍ମା ମହାକରଃ ॥ ୭୨॥

ମହାଲସ୍ଯୋ ମହାକେଶୋ ମହୋଷ୍ଠୋ ମୋହନୋ ଵିରାଟ୍ ।
ମହାମୁଖୋ ମହାଜଙ୍ଘୋ ମଣ୍ଡଲୀ କୁଣ୍ଡଲୀ ନଟଃ ॥ ୭୩॥

ଅସପତ୍ନଃ ପତ୍ରକରଃ ପାତ୍ରହସ୍ତଶ୍ଚ ପାଟଵଃ ।
ଲାଲସଃ ସାଲସଃ ସାଲଃ କଲ୍ପଵୃକ୍ଷଶ୍ଚ କମ୍ପିତଃ ॥ ୭୪॥

କମ୍ପହା କଲ୍ପନାହାରୀ ମହାକେତୁଃ କଠୋରକଃ ।
ଅନଲଃ ପଵନଃ ପାଠଃ ପୀଠସ୍ଥଃ ପୀଠରୂପକଃ ॥ ୭୫॥

ପାଟୀନଃ କୁଲିଶୀ ପୀନୋ ମେରୁଧାମା ମହାଗୁଣୀ ।
ମହାତୂଣୀରସଂଯୁକ୍ତୋ ଦେଵଦାନଵଦର୍ପହା ॥ ୭୬॥

ଅଥର୍ଵଶୀର୍ଷଃ ସୋମ୍ଯାସ୍ଯଃ ଋକ୍ସହସ୍ରାମିତେକ୍ଷଣଃ ।
ଯଜୁଃସାମମୁଖୋ ଗୁହ୍ଯୋ ଯଜୁର୍ଵେଦଵିଚକ୍ଷଣଃ ॥ ୭୭॥

ଯାଜ୍ଞିକୋ ଯଜ୍ଞରୂପଶ୍ଚ ଯଜ୍ଞଜ୍ଞୋ ଧରଣୀପତିଃ । (ଯଜ୍ଞଘ୍ନୋ)
ଜଙ୍ଗମୀ ଭଙ୍ଗଦୋ ଭାଷାଦକ୍ଷୋଽଭିଗମଦର୍ଶନଃ ॥ ୭୮॥

ଅଗମ୍ଯଃ ସୁଗମଃ ଖର୍ଵଃ ଖେଟୀ ଖଟ୍ଵାନନୋ ନଯଃ । (ଖେଟାନନୋ)
ଅମୋଘାର୍ଥଃ ସିନ୍ଧୁପତିଃ ସୈନ୍ଧଵଃ ସାନୁମଧ୍ଯଗଃ ॥ ୭୯॥

ପ୍ରତାପୀ ପ୍ରଜଯୀ ପ୍ରାତର୍ମଧ୍ଯାହ୍ନସାଯମଧ୍ଵରଃ ।
ତ୍ରିକାଲଜ୍ଞଃ ସୁଗଣକଃ ପୁଷ୍କରସ୍ଥଃ ପରୋପକୃତ୍ ॥ ୮୦॥

ଉପକର୍ତାପହର୍ତା ଚ ଘୃଣୀ ରଣଜଯପ୍ରଦଃ ।
ଧର୍ମୀ ଚର୍ମାମ୍ବରଶ୍ଚାରୁରୂପଶ୍ଚାରୁଵିଶୋଷଣଃ ॥ ୮୧॥

ନକ୍ତଞ୍ଚରଃକାଲଵଶୀ ଵଶୀ ଵଶିଵରୋଽଵଶଃ ।
ଵଶ୍ଯୋ ଵଶ୍ଯକରୋ ଭସ୍ମଶାଯୀ ଭସ୍ମଵିଲେପନଃ ॥ ୮୨॥

ଭସ୍ମାଙ୍ଗୀ ମଲିନାଙ୍ଗଶ୍ଚ ମାଲାମଣ୍ଡିତମୂର୍ଧଜଃ ।
ଗଣକାର୍ଯଃ କୁଲାଚାରଃ ସର୍ଵାଚାରଃ ସଖା ସମଃ ॥ ୮୩॥

ସୁକୁରୋ ଗୋତ୍ରଭିଦ୍ଗୋପ୍ତା ଭୀମରୂପୋ ଭଯାନକଃ । (ମକରୋ)
ଅରୁଣଶ୍ଚୈକଚିନ୍ତ୍ଯଶ୍ଚ ତ୍ରିଶଙ୍କୁଃ ଶଙ୍କୁଧାରଣଃ ॥ ୮୪॥

ଆଶ୍ରମୀ ବ୍ରାହ୍ମଣୋ ଵଜ୍ରୀ କ୍ଷତ୍ରିଯଃ କାର୍ଯହେତୁକଃ ।
ଵୈଶ୍ଯଃ ଶୂଦ୍ରଃ କପୋତସ୍ଥଃ ତ୍ଵଷ୍ଟା ତୁଷ୍ଟୋ ରୁଷାକୁଲଃ ॥ ୮୫॥

ରୋଗୀ ରୋଗାପହଃ ଶୂରଃ କପିଲଃ କପିନାଯକଃ ।
ପିନାକୀ ଚାଷ୍ଟମୂର୍ତିଶ୍ଚ କ୍ଷିତିମାନ୍ ଧୃତିମାଂସ୍ତଥା ॥ ୮୬॥

ଜଲମୂର୍ତିର୍ଵାଯୁମୂର୍ତିର୍ହୁତାଶଃ ସୋମମୂର୍ତିମାନ୍ ।
ସୂର୍ଯଦେଵୋ ଯଜମାନ ଆକାଶଃ ପରମେଶ୍ଵରଃ ॥ ୮୭॥

ଭଵହା ଭଵମୂର୍ତିଶ୍ଚ ଭୂତାତ୍ମା ଭୂତଭାଵନଃ ।
ଭଵଃ ଶର୍ଵସ୍ତଥା ରୁଦ୍ରଃ ପଶୁନାଥଶ୍ଚ ଶଙ୍କରଃ ॥ ୮୮॥

ଗିରିଜୋ ଗିରିଜାନାଥୋ ଗିରୀନ୍ଦ୍ରଶ୍ଚ ମହେଶ୍ଵରଃ ।
ଗିରୀଶଃ ଖଣ୍ଡହସ୍ତଶ୍ଚ ମହାନୁଗ୍ରୋ ଗଣେଶ୍ଵରଃ ॥ ୮୯॥

ଭୀମଃ କପର୍ଦୀ ଭୀତିଜ୍ଞଃ ଖଣ୍ଡପଶ୍ଚଣ୍ଡଵିକ୍ରମଃ ।
ଖଡ୍ଗଭୃତ୍ ଖଣ୍ଡପରଶୁଃ କୃତ୍ତିଵାସା ଵିଷାପହଃ ॥ ୯୦॥

କଙ୍କାଲଃ କଲନାକାରଃ ଶ୍ରୀକଣ୍ଠୋ ନୀଲଲୋହିତଃ ।
ଗଣେଶ୍ଵରୋ ଗୁଣୀ ନନ୍ଦୀ ଧର୍ମରାଜୋ ଦୁରନ୍ତକଃ ॥ ୯୧॥

ଭୃଙ୍ଗୀରିଟିଃ ରସାସାରୋ ଦଯାଲୂ ରୂପମଣ୍ଡିତଃ ।
ଅମୃତଃ କାଲରୁଦ୍ରଶ୍ଚ କାଲାଗ୍ନିଃ ଶଶିଶେଖରଃ ॥ ୯୨॥

ସଦ୍ଯୋଜାତଃ ସ୍ଵର୍ଣମୁଞ୍ଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ଵପ୍ନହୃତ୍ ପ୍ରସହନୋ ଗୁଣିନାଦପ୍ରତିଷ୍ଠିତଃ ॥ ୯୩॥

ଶୁକ୍ଲସ୍ତ୍ରିଶୁକ୍ଲଃ ସମ୍ପନ୍ନଃ ଶୁଚିର୍ଭୂତନିଷେଵିତଃ ।
ଯଜ୍ଞରୂପୋ ଯଜ୍ଞମୁଖୋ ଯଜମାନେଷ୍ଟଦଃ ଶୁଚିଃ ॥ ୯୪॥

ଧୃତିମାନ୍ ମତିମାନ୍ ଦକ୍ଷୋ ଦକ୍ଷଯଜ୍ଞଵିଘାତକଃ ।
ନାଗହାରୀ ଭସ୍ମଧାରୀ ଭୂତିଭୂଷିତଵିଗ୍ରହଃ ॥ ୯୫॥

କପାଲୀ କୁଣ୍ଡଲୀ ଭର୍ଗଃ ଭକ୍ତାର୍ତିଭଞ୍ଜନୋ ଵିଭୁଃ ।
ଵୃଷଧ୍ଵଜୋ ଵୃଷାରୂଢୋ ଧର୍ମଵୃଷଵିଵର୍ଧକଃ ॥ ୯୬॥

ମହାବଲଃ ସର୍ଵତୀର୍ଥଃ ସର୍ଵଲକ୍ଷଣଲକ୍ଷିତଃ ।
ସହସ୍ରବାହୁଃ ସର୍ଵାଙ୍ଗଃ ଶରଣ୍ଯଃ ସର୍ଵଲୋକକୃତ୍ ॥ ୯୭॥

ପଵିତ୍ରସ୍ତ୍ରିକକୁନ୍ମନ୍ତ୍ରଃ କନିଷ୍ଠଃ କୃଷ୍ଣପିଙ୍ଗଲଃ ।
ବ୍ରହ୍ମଦଣ୍ଡଵିନିର୍ମାତା ଶତଘ୍ନୀପାଶଶକ୍ତିମାନ୍ ॥ ୯୮॥

ପଦ୍ମଗର୍ଭୋ ମହାଗର୍ଭୋ ବ୍ରହ୍ମଗର୍ଭୋ ଜଲୋଦ୍ଭଵଃ ।
ଦେଵାସୁରଵିନିର୍ମାତା ଦେଵାସୁରପରାଯଣଃ ॥ ୯୯॥

ଦେଵାସୁରଗୁରୁର୍ଦେଵୋ ଦେଵାସୁରନମସ୍କୃତଃ ।
ଗୁହପ୍ରିଯୋ ଗଣସେଵ୍ଯଃ ପଵିତ୍ରଃ ସର୍ଵପାଵନଃ ॥ ୧୦୦॥

ଲଲାଟାକ୍ଷୋ ଵିଶ୍ଵଦେଵୋ ଦମନଃ ଶ୍ଵେତପିଙ୍ଗଲଃ ।
ଵିମୁକ୍ତିର୍ମୁକ୍ତିତେଜସ୍କୋ ଭକ୍ତାନାଂ ପରମା ଗତିଃ ॥ ୧୦୧॥

ଦେଵାତିଦେଵୋ ଦେଵର୍ଷିର୍ଦେଵାସୁରଵରପ୍ରଦଃ ।
କୈଲାସଗିରିଵାସୀ ଚ ହିମଵଦ୍ଗିରିସଂଶ୍ରଯଃ ॥ ୧୦୨॥

ନାଥପୂଜ୍ଯଃ ସିଦ୍ଧନୃତ୍ଯୋ ନଵନାଥସମର୍ଚିତଃ ।
କପର୍ଦୀ କଲ୍ପକୃଦ୍ରୁଦ୍ରଃ ସୁମନା ଧର୍ମଵତ୍ସଲଃ ॥ ୧୦୩॥

ଵୃଷାକପିଃ କଲ୍ପକର୍ତା ନିଯତାତ୍ମା ନିରାକୁଲଃ ।
ନୀଲକଣ୍ଠୋ ଧନାଧ୍ଯକ୍ଷୋ ନାଥଃ ପ୍ରମଥନାଯକଃ ॥ ୧୦୪॥

ଅନାଦିରନ୍ତରହିତୋ ଭୂତିଦୋ ଭୂତିଵିଗ୍ରହଃ ।
ସେନାକଲ୍ପୋ ମହାକଲ୍ପୋ ଯୋଗୋ ଯୁଗକରୋ ହରିଃ ॥ ୧୦୫॥

ଯୁଗରୂପୋ ମହାରୂପୋ ମହାଗୀତୋ ମହାଗୁଣଃ ।
ଵିସର୍ଗୋ ଲିଙ୍ଗରୂପଶ୍ଚ ପଵିତ୍ରଃ ପାପନାଶନଃ ॥ ୧୦୬॥

ଈଡ୍ଯୋ ମହେଶ୍ଵରଃ ଶମ୍ଭୁର୍ଦେଵସିଂହୋ ନରର୍ଷଭଃ ।
ଵିବୁଧୋଽଗ୍ରଵରଃ ସୂକ୍ଷ୍ମଃ ସର୍ଵଦେଵସ୍ତପୋମଯଃ ॥ ୧୦୭॥

ସୁଯୁକ୍ତଃ ଶୋଭନୋ ଵଜ୍ରୀ ଦେଵାନାଂ ପ୍ରଭଵୋଽଵ୍ଯଯଃ ।
ଗୁହଃ କାନ୍ତୋ ନିଜସର୍ଗଃ ପଵିତ୍ରଃ ସର୍ଵପାଵନଃ ॥ ୧୦୮॥

ଶ‍ୃଙ୍ଗୀ ଶ‍ୃଙ୍ଗପ୍ରିଯୋ ବଭ୍ରୂ ରାଜରାଜୋ ନିରାମଯଃ ।
ଦେଵାସୁରଗଣାଧ୍ଯକ୍ଷୋ ନିଯମେନ୍ଦ୍ରିଯଵର୍ଧନଃ ॥ ୧୦୯॥

ତ୍ରିପୁରାନ୍ତକ ଶ୍ରୀକଣ୍ଠସ୍ତ୍ରିନେତ୍ରଃ ପଞ୍ଚଵକ୍ତ୍ରକଃ । (ଈଶାନସ୍ତ୍ରିନେତ୍ରଃ)
କାଲହୃତ୍ କେଵଲାତ୍ମା ଚ ଋଗ୍ଯଜୁଃସାମଵେଦଵାନ୍ ॥ ୧୧୦॥

ଈଶାନଃ ସର୍ଵଭୂତାନାମୀଶ୍ଵରଃ ସର୍ଵରକ୍ଷସାମ୍ ।
ବ୍ରହ୍ମଣୋଽଧିପତିର୍ବ୍ରହ୍ମ ବ୍ରହ୍ମଣୋଽଧିପତିସ୍ତଥା ॥ ୧୧୧॥

ବ୍ରହ୍ମା ଶିଵଃ ସଦାନନ୍ଦୀ ସଦାନନ୍ଦଃ ସଦାଶିଵଃ ।
ମେଷସ୍ଵରୂପଶ୍ଚାର୍ଵଙ୍ଗୋ ଗାଯତ୍ରୀରୂପଧାରଣଃ ॥ ୧୧୨॥

ଅଘୋରେଭ୍ଯୋଽଥ ଘୋରେଭ୍ଯୋ ଘୋରଘୋରତରାଯ ଚ ।
ସର୍ଵତଃ ସର୍ଵସର୍ଵେଭ୍ଯୋ ନମସ୍ତେ ରୁଦ୍ରରୂପିଣେ ॥ ୧୧୩॥

ଵାମଦେଵସ୍ତଥା ଜ୍ଯେଷ୍ଠଃ ଶ୍ରେଷ୍ଠଃ କାଲକରାଲକଃ ।
ମହାକାଲୋ ଭୈରଵେଶୋ ଵେଶୀ କଲଵିକାରଣଃ ॥ ୧୧୪॥

ବଲଵିକାରଣୋ ବାଲୋ ବଲପ୍ରମଥନସ୍ତଥା ।
ସର୍ଵଭୂତାଦିଦମନୋ ଦେଵଦେଵୋ ମନୋନ୍ମନଃ ॥ ୧୧୫॥

ସଦ୍ଯୋଜାତଂ ପ୍ରପଦ୍ଯାମି ସଦ୍ଯୋଜାତାଯ ଵୈ ନମଃ ।
ଭଵେ ଭଵେ ନାତିଭଵେ ଭଵସ୍ଵ ମାଂ ଭଵୋଦ୍ଭଵ ॥ ୧୧୬॥

ଭାଵନୋ ଭଵନୋ ଭାଵ୍ଯୋ ବଲକାରୀ ପରଂ ପଦମ୍ ।
ପରଃ ଶିଵଃ ପରୋ ଧ୍ଯେଯଃ ପରଂ ଜ୍ଞାନଂ ପରାତ୍ପରଃ ॥ ୧୧୭॥

ପରାଵରଃ ପଲାଶୀ ଚ ମାଂସାଶୀ ଵୈଷ୍ଣଵୋତ୍ତମଃ ।
ଓଁ ଐଂ ହ୍ରୀଂ ଶ୍ରୀଂ ହ୍ସୌଃ ଦେଵୋ ଓଁ ଶ୍ରୀଂ ହୌଂ ଭୈରଵୋତ୍ତମଃ ॥ ୧୧୮॥

ଓଁ ହ୍ରାଂ ନମଃ ଶିଵାଯେତି ମନ୍ତ୍ରୋ ଵଟୁଵରାଯୁଧଃ ।
ଓଁ ହ୍ରୀଂ ସଦାଶିଵଃ ଓଁ ହ୍ରୀଂ ଆପଦୁଦ୍ଧାରଣୋ ମନୁଃ ॥ ୧୧୯॥

ଓଁ ହ୍ରୀଂ ମହାକରାଲାସ୍ଯଃ ଓଁ ହ୍ରୀଂ ବଟୁକଭୈରଵଃ ।
ଭଗଵାଂସ୍ତ୍ର୍ଯମ୍ବକ ଓଁ ହ୍ରୀଂ ଓଁ ହ୍ରୀଂ ଚନ୍ଦ୍ରାର୍ଧଶେଖରଃ ॥ ୧୨୦॥

ଓଁ ହ୍ରୀଂ ସଂ ଜଟିଲୋ ଧୂମ୍ରୋ ଓଁ ହ୍ରୀଂ ତ୍ରିପୁରଘାତକଃ ।
ହ୍ରାଂ ହ୍ରୀଂ ହ୍ରୂଂ ହରିଵାମାଙ୍ଗ ଓଁ ହ୍ରୀଂ ହ୍ରୂଂ ହ୍ରୀଂ ତ୍ରିଲୋଚନଃ ॥ ୧୨୧॥

ଓଁ ଵେଦରୂପୋ ଵେଦଜ୍ଞ ଋଗ୍ଯଜୁଃସାମମୂର୍ତିମାନ୍ ।
ରୁଦ୍ରୋ ଘୋରରଵୋଽଘୋରୋ ଓଁ କ୍ଷ୍ମ୍ଯୂଂ ଅଘୋରଭୈରଵଃ ॥ ୧୨୨॥

ଓଂଜୁଂ ସଃ ପୀଯୂଷସକ୍ତୋଽମୃତାଧ୍ଯକ୍ଷୋଽମୃତାଲସଃ ।
ଓଁ ତ୍ର୍ଯମ୍ବକଂ ଯଜାମହେ ସୁଗନ୍ଧିଂ ପୁଷ୍ଟିଵର୍ଧନମ୍ ॥ ୧୨୩॥

ଉର୍ଵାରୁକମିଵ ବନ୍ଧନାନ୍ମୃତ୍ଯୋର୍ମୁକ୍ଷୀଯ ମାଽମୃତାତ୍ ।
ଓଁ ହୌଂ ଜୂଂ ସଃ ଓଁଭୂର୍ଭୁଵଃ ସ୍ଵଃ ଓଁଜୂଂସଃ ମୃତ୍ଯୁଞ୍ଜଯଃ ।
(ପାତୁ ମାଂ ସର୍ଵଦେଵେଶୋ ମୃତ୍ଯୁଞ୍ଜଯଃ ସଦାଶିଵଃ ॥ ୧୨୪॥)

ଇଦଂ ନାମ୍ନାଂ ସହସ୍ରଂ ତୁ ରହସ୍ଯଂ ପରମାଦ୍ଭୁତମ୍ ।
ସର୍ଵସ୍ଵଂ ନାକିନାଂ ଦେଵି ଜନ୍ତୂନାଂ ଭୁଵି କା କଥା ॥ ୧୨୫॥

ତଵ ଭକ୍ତ୍ଯା ମଯାଽଽଖ୍ଯାତଂ ତ୍ରିଷୁ ଲୋକେଷୁ ଦୁର୍ଲଭମ୍ ।
ଗୋପ୍ଯଂ ସହସ୍ରନାମେଦଂ ସାକ୍ଷାଦମୃତରୂପକମ୍ ॥ ୧୨୬॥

ଯଃ ପଠେତ୍ ପାଠଯେଦ୍ଵାପି ଶ୍ରାଵଯେଚ୍ଛୃଣୁଯାତ୍ ତଥା ।
ମୃତ୍ଯୁଞ୍ଜଯସ୍ଯ ଦେଵସ୍ଯ ଫଲଂ ତସ୍ଯ ଶିଵେ ଶ‍ୃଣୁ ॥ ୧୨୭॥

ଲକ୍ଷ୍ମ୍ଯା କୃଷ୍ଣୋ ଧିଯା ଜୀଵୋ ପ୍ରତାପେନ ଦିଵାକରଃ ।
ତେଜସା ଵହ୍ନିଦେଵସ୍ତୁ କଵିତ୍ଵେ ଚୈଵ ଭାର୍ଗଵଃ ॥ ୧୨୮॥

ଶୌର୍ଯେଣ ହରିସଙ୍କାଶୋ ନୀତ୍ଯଂ ଦ୍ରୁହିଣସନ୍ନିଭଃ ।
ଈଶ୍ଵରତ୍ଵେନ ଦେଵେଶି ମତ୍ସମଃ କିମତଃପରମ୍ ॥ ୧୨୯॥

ଯଃ ପଠେଦର୍ଧରାତ୍ରେ ଚ ସାଧକୋ ଧୈର୍ଯସଂଯୁତଃ ।
ପଠେତ୍ ସହସ୍ରନାମେଦଂ ସିଦ୍ଧିମାପ୍ନୋତି ସାଧକଃ ॥ ୧୩୦॥

ଚତୁଷ୍ପଥେ ଚୈକଲିଙ୍ଗେ ମରୁଦେଶେ ଵନେଽଜନେ ।
ଶ୍ମଶାନେ ପ୍ରାନ୍ତରେ ଦୁର୍ଗେ ପାଠାତ୍ ସିଦ୍ଧିର୍ନ ସଂଶଯଃ ॥ ୧୩୧॥

ନୌକାଯାଂ ଚୌରସଙ୍ଘେ ଚ ସଙ୍କଟେ ପ୍ରାଣସଙ୍କ୍ଷଯେ ।
ଯତ୍ର ଯତ୍ର ଭଯେ ପ୍ରାପ୍ତେ ଵିଷଵହ୍ନିଭଯାଦିଷୁ ॥ ୧୩୨॥

ପଠେତ୍ ସହସ୍ରନାମାଶୁ ମୁଚ୍ଯତେ ନାତ୍ର ସଂଶଯଃ ।
ଭୌମାଵସ୍ଯାଂ ନିଶୀଥେ ଚ ଗତ୍ଵା ପ୍ରେତାଲଯଂ ସୁଧୀଃ ॥ ୧୩୩॥

ପଠିତ୍ଵା ସ ଭଵେଦ୍ଦେଵି ସାକ୍ଷାଦିନ୍ଦ୍ରୋଽର୍ଚିତଃ ସୁରୈଃ ।
ଶନୌ ଦର୍ଶଦିନେ ଦେଵି ନିଶାଯାଂ ସରିତସ୍ତଟେ ॥ ୧୩୪॥

ପଠେନ୍ନାମସହସ୍ରଂ ଵୈ ଜପେଦଷ୍ଟୋତ୍ତରଂ ଶତମ୍ ।
ସୁଦର୍ଶନୋ ଭଵେଦାଶୁ ମୃତ୍ଯୁଞ୍ଜଯପ୍ରସାଦତଃ ॥ ୧୩୫॥

ଦିଗମ୍ବରୋ ମୁକ୍ତକେଶଃ ସାଧକୋ ଦଶଧା ପଠେତ୍ ।
ଇହ ଲୋକେ ଭଵେଦ୍ରାଜା ପରେ ମୁକ୍ତିର୍ଭଵିଷ୍ଯତି ॥ ୧୩୬॥

ଇଦଂ ରହସ୍ଯଂ ପରମଂ ଭକ୍ତ୍ଯା ତଵ ମଯୋଦିତମ୍ ।
ମନ୍ତ୍ରଗର୍ଭଂ ମନୁମଯଂ ନ ଚାଖ୍ଯେଯଂ ଦୁରାତ୍ମନେ ॥ ୧୩୭॥

ନୋ ଦଦ୍ଯାତ୍ ପରଶିଷ୍ଯେଭ୍ଯଃ ପୁତ୍ରେଭ୍ଯୋଽପି ଵିଶେଷତଃ ।
ରହସ୍ଯଂ ମମ ସର୍ଵସ୍ଵଂ ଗୋପ୍ଯଂ ଗୁପ୍ତତରଂ କଲୌ ॥ ୧୩୮॥

ଷଣ୍ମୁଖସ୍ଯାପି ନୋ ଵାଚ୍ଯଂ ଗୋପନୀଯଂ ତଥାତ୍ମନଃ ।
ଦୁର୍ଜନାଦ୍ରକ୍ଷଣୀଯଂ ଚ ପଠନୀଯମହର୍ନିଶମ୍ ॥ ୧୩୯॥

ଶ୍ରୋତଵ୍ଯଂ ସାଧକମୁଖାଦ୍ରକ୍ଷଣୀଯଂ ସ୍ଵପୁତ୍ରଵତ୍ ।

॥ ଇତି ଶ୍ରୀରୁଦ୍ରଯାମଲେ ତନ୍ତ୍ରେ ଶ୍ରୀଦେଵୀରହସ୍ଯେ
ମୃତ୍ଯୁଞ୍ଜଯସହସ୍ରନାମଂ ସମ୍ପୂର୍ଣମ୍ ॥