Shiva Tandav Stotram with Meaning For Beginners

𑒖𑒙𑒰𑒙𑒫𑒲𑒑𑒪𑒖𑓂𑒖𑒪𑒣𑓂𑒩𑒫𑒰𑒯𑒣𑒰𑒫𑒱𑒞𑒮𑓂𑒟𑒪𑒹
𑒑𑒪𑒹𑒫𑒪𑒧𑓂𑒥𑓂𑒨 𑒪𑒧𑓂𑒥𑒱𑒞𑒰𑓀 𑒦𑒳𑒖𑒓𑓂𑒑𑒞𑒳𑒓𑓂𑒑𑒧𑒰𑒪𑒱𑒏𑒰𑒧𑓂 ।
𑒛𑒧𑒛𑓂𑒛𑒧𑒛𑓂𑒛𑒧𑒛𑓂𑒛𑒧𑒢𑓂𑒢𑒱𑒢𑒰𑒠𑒫𑒛𑓂𑒛𑒧𑒩𑓂𑒫𑒨𑓀
𑒔𑒏𑒰𑒩 𑒔𑒝𑓂𑒛𑒞𑒰𑒝𑓂𑒛𑒫𑓀 𑒞𑒢𑒼𑒞𑒳 𑒢𑓁 𑒬𑒱𑒫𑓁 𑒬𑒱𑒫𑒧𑓂 ॥ 1 ॥

𑒖𑒙𑒰𑒏𑒙𑒰𑒯𑒮𑒧𑓂𑒦𑓂𑒩𑒧𑒦𑓂𑒩𑒧𑒢𑓂𑒢𑒱𑒪𑒱𑒧𑓂𑒣𑒢𑒱𑒩𑓂𑒗𑒩𑒲-
-𑒫𑒱𑒪𑒼𑒪𑒫𑒲𑒔𑒱𑒫𑒪𑓂𑒪𑒩𑒲𑒫𑒱𑒩𑒰𑒖𑒧𑒰𑒢𑒧𑒴𑒩𑓂𑒡𑒢𑒱 ।
𑒡𑒑𑒠𑓂𑒡𑒑𑒠𑓂𑒡𑒑𑒖𑓂𑒖𑓂𑒫𑒪𑒪𑓂𑒪𑒪𑒰𑒙𑒣𑒙𑓂𑒙𑒣𑒰𑒫𑒏𑒹
𑒏𑒱𑒬𑒼𑒩𑒔𑒢𑓂𑒠𑓂𑒩𑒬𑒹𑒐𑒩𑒹 𑒩𑒞𑒱𑓁 𑒣𑓂𑒩𑒞𑒱𑒏𑓂𑒭𑒝𑓀 𑒧𑒧 ॥ 2 ॥

𑒡𑒩𑒰𑒡𑒩𑒹𑒢𑓂𑒠𑓂𑒩𑒢𑒢𑓂𑒠𑒱𑒢𑒲𑒫𑒱𑒪𑒰𑒮𑒥𑒢𑓂𑒡𑒳𑒥𑒢𑓂𑒡𑒳𑒩
𑒮𑓂𑒤𑒳𑒩𑒠𑓂𑒠𑒱𑒑𑒢𑓂𑒞𑒮𑒢𑓂𑒞𑒞𑒱𑒣𑓂𑒩𑒧𑒼𑒠𑒧𑒰𑒢𑒧𑒰𑒢𑒮𑒹 ।
𑒏𑒵𑒣𑒰𑒏𑒙𑒰𑒏𑓂𑒭𑒡𑒼𑒩𑒝𑒲𑒢𑒱𑒩𑒳𑒠𑓂𑒡𑒠𑒳𑒩𑓂𑒡𑒩𑒰𑒣𑒠𑒱
𑒏𑓂𑒫𑒔𑒱𑒠𑓂𑒠𑒱𑒑𑒧𑓂𑒥𑒩𑒹 𑒧𑒢𑒼 𑒫𑒱𑒢𑒼𑒠𑒧𑒹𑒞𑒳 𑒫𑒮𑓂𑒞𑒳𑒢𑒱 ॥ 3 ॥

𑒖𑒙𑒰𑒦𑒳𑒖𑒓𑓂𑒑𑒣𑒱𑒓𑓂𑒑𑒪𑒮𑓂𑒤𑒳𑒩𑒞𑓂𑒤𑒝𑒰𑒧𑒝𑒱𑒣𑓂𑒩𑒦𑒰
𑒏𑒠𑒧𑓂𑒥𑒏𑒳𑒓𑓂𑒏𑒳𑒧𑒠𑓂𑒩𑒫𑒣𑓂𑒩𑒪𑒱𑒣𑓂𑒞𑒠𑒱𑒑𑓂𑒫𑒡𑒴𑒧𑒳𑒐𑒹 ।
𑒧𑒠𑒰𑒢𑓂𑒡𑒮𑒱𑒢𑓂𑒡𑒳𑒩𑒮𑓂𑒤𑒳𑒩𑒞𑓂𑒞𑓂𑒫𑒑𑒳𑒞𑓂𑒞𑒩𑒲𑒨𑒧𑒹𑒠𑒳𑒩𑒹
𑒧𑒢𑒼 𑒫𑒱𑒢𑒼𑒠𑒧𑒠𑓂𑒦𑒳𑒞𑓀 𑒥𑒱𑒦𑒩𑓂𑒞𑒳 𑒦𑒴𑒞𑒦𑒩𑓂𑒞𑒩𑒱 ॥ 4 ॥

𑒮𑒯𑒮𑓂𑒩𑒪𑒼𑒔𑒢𑒣𑓂𑒩𑒦𑒵𑒞𑓂𑒨𑒬𑒹𑒭𑒪𑒹𑒐𑒬𑒹𑒐𑒩
𑒣𑓂𑒩𑒮𑒴𑒢𑒡𑒴𑒪𑒱𑒡𑒼𑒩𑒝𑒲 𑒫𑒱𑒡𑒴𑒮𑒩𑒰𑒓𑓂𑒒𑓂𑒩𑒱𑒣𑒲𑒚𑒦𑒴𑓁 ।
𑒦𑒳𑒖𑒓𑓂𑒑𑒩𑒰𑒖𑒧𑒰𑒪𑒨𑒰 𑒢𑒱𑒥𑒠𑓂𑒡𑒖𑒰𑒙𑒖𑒴𑒙𑒏
𑒬𑓂𑒩𑒱𑒨𑒻 𑒔𑒱𑒩𑒰𑒨 𑒖𑒰𑒨𑒞𑒰𑓀 𑒔𑒏𑒼𑒩𑒥𑒢𑓂𑒡𑒳𑒬𑒹𑒐𑒩𑓁 ॥ 5 ॥

𑒪𑒪𑒰𑒙𑒔𑒞𑓂𑒫𑒩𑒖𑓂𑒫𑒪𑒠𑓂𑒡𑒢𑒘𑓂𑒖𑒨𑒮𑓂𑒤𑒳𑒪𑒱𑒓𑓂𑒑𑒦𑒰-
-𑒢𑒱𑒣𑒲𑒞𑒣𑒘𑓂𑒔𑒮𑒰𑒨𑒏𑓀 𑒢𑒧𑒢𑓂𑒢𑒱𑒪𑒱𑒧𑓂𑒣𑒢𑒰𑒨𑒏𑒧𑓂 ।
𑒮𑒳𑒡𑒰𑒧𑒨𑒴𑒐𑒪𑒹𑒐𑒨𑒰 𑒫𑒱𑒩𑒰𑒖𑒧𑒰𑒢𑒬𑒹𑒐𑒩𑓀
𑒧𑒯𑒰𑒏𑒣𑒰𑒪𑒱𑒮𑒧𑓂𑒣𑒠𑒹𑒬𑒱𑒩𑒼𑒖𑒙𑒰𑒪𑒧𑒮𑓂𑒞𑒳 𑒢𑓁 ॥ 6 ॥

𑒏𑒩𑒰𑒪𑒤𑒰𑒪𑒣𑒙𑓂𑒙𑒱𑒏𑒰𑒡𑒑𑒠𑓂𑒡𑒑𑒠𑓂𑒡𑒑𑒖𑓂𑒖𑓂𑒫𑒪-
𑒠𑓂𑒡𑒢𑒘𑓂𑒖𑒨𑒰𑒡𑒩𑒲𑒏𑒵𑒞𑒣𑓂𑒩𑒔𑒝𑓂𑒛𑒣𑒘𑓂𑒔𑒮𑒰𑒨𑒏𑒹 ।
𑒡𑒩𑒰𑒡𑒩𑒹𑒢𑓂𑒠𑓂𑒩𑒢𑒢𑓂𑒠𑒱𑒢𑒲𑒏𑒳𑒔𑒰𑒑𑓂𑒩𑒔𑒱𑒞𑓂𑒩𑒣𑒞𑓂𑒩𑒏-
-𑒣𑓂𑒩𑒏𑒪𑓂𑒣𑒢𑒻𑒏𑒬𑒱𑒪𑓂𑒣𑒱𑒢𑒱 𑒞𑓂𑒩𑒱𑒪𑒼𑒔𑒢𑒹 𑒧𑒞𑒱𑒩𑓂𑒧𑒧 ॥ 7 ॥

𑒢𑒫𑒲𑒢𑒧𑒹𑒒𑒧𑒝𑓂𑒛𑒪𑒲 𑒢𑒱𑒩𑒳𑒠𑓂𑒡𑒠𑒳𑒩𑓂𑒡𑒩𑒮𑓂𑒤𑒳𑒩𑒞𑓂-
𑒏𑒳𑒯𑒴𑒢𑒱𑒬𑒲𑒟𑒱𑒢𑒲𑒞𑒧𑓁 𑒣𑓂𑒩𑒥𑒢𑓂𑒡𑒥𑒢𑓂𑒡𑒳𑒏𑒢𑓂𑒡𑒩𑓁 ।
𑒢𑒱𑒪𑒱𑒧𑓂𑒣𑒢𑒱𑒩𑓂𑒗𑒩𑒲𑒡𑒩𑒮𑓂𑒞𑒢𑒼𑒞𑒳 𑒏𑒵𑒞𑓂𑒞𑒱𑒮𑒱𑒢𑓂𑒡𑒳𑒩𑓁
𑒏𑒪𑒰𑒢𑒱𑒡𑒰𑒢𑒥𑒢𑓂𑒡𑒳𑒩𑓁 𑒬𑓂𑒩𑒱𑒨𑓀 𑒖𑒑𑒠𑓂𑒡𑒳𑒩𑒢𑓂𑒡𑒩𑓁 ॥ 8 ॥

𑒣𑓂𑒩𑒤𑒳𑒪𑓂𑒪𑒢𑒲𑒪𑒣𑒓𑓂𑒏𑒖𑒣𑓂𑒩𑒣𑒘𑓂𑒔𑒏𑒰𑒪𑒱𑒧𑒣𑓂𑒩𑒦𑒰-
-𑒫𑒱𑒪𑒧𑓂𑒥𑒱𑒏𑒝𑓂𑒚𑒏𑒢𑓂𑒠𑒪𑒲𑒩𑒳𑒔𑒱𑒣𑓂𑒩𑒥𑒠𑓂𑒡𑒏𑒢𑓂𑒡𑒩𑒧𑓂 ।
𑒮𑓂𑒧𑒩𑒔𑓂𑒕𑒱𑒠𑓀 𑒣𑒳𑒩𑒔𑓂𑒕𑒱𑒠𑓀 𑒦𑒫𑒔𑓂𑒕𑒱𑒠𑓀 𑒧𑒐𑒔𑓂𑒕𑒱𑒠𑓀
𑒑𑒖𑒔𑓂𑒕𑒱𑒠𑒰𑒢𑓂𑒡𑒏𑒔𑓂𑒕𑒱𑒠𑓀 𑒞𑒧𑒢𑓂𑒞𑒏𑒔𑓂𑒕𑒱𑒠𑓀 𑒦𑒖𑒹 ॥ 9 ॥

𑒁𑒑𑒩𑓂𑒫𑒮𑒩𑓂𑒫𑒧𑒓𑓂𑒑𑒪𑒰𑒏𑒪𑒰𑒏𑒠𑒧𑓂𑒥𑒧𑒘𑓂𑒖𑒩𑒲
𑒩𑒮𑒣𑓂𑒩𑒫𑒰𑒯𑒧𑒰𑒡𑒳𑒩𑒲 𑒫𑒱𑒖𑒵𑒧𑓂𑒦𑒝𑒰𑒧𑒡𑒳𑒫𑓂𑒩𑒞𑒧𑓂 ।
𑒮𑓂𑒧𑒩𑒰𑒢𑓂𑒞𑒏𑓀 𑒣𑒳𑒩𑒰𑒢𑓂𑒞𑒏𑓀 𑒦𑒫𑒰𑒢𑓂𑒞𑒏𑓀 𑒧𑒐𑒰𑒢𑓂𑒞𑒏𑓀
𑒑𑒖𑒰𑒢𑓂𑒞𑒏𑒰𑒢𑓂𑒡𑒏𑒰𑒢𑓂𑒞𑒏𑓀 𑒞𑒧𑒢𑓂𑒞𑒏𑒰𑒢𑓂𑒞𑒏𑓀 𑒦𑒖𑒹 ॥ 10 ॥

𑒖𑒨𑒞𑓂𑒫𑒠𑒦𑓂𑒩𑒫𑒱𑒦𑓂𑒩𑒧𑒦𑓂𑒩𑒧𑒠𑓂𑒦𑒳𑒖𑒓𑓂𑒑𑒧𑒬𑓂𑒫𑒮-
-𑒠𑓂𑒫𑒱𑒢𑒱𑒩𑓂𑒑𑒧𑒞𑓂𑒏𑓂𑒩𑒧𑒮𑓂𑒤𑒳𑒩𑒞𑓂𑒏𑒩𑒰𑒪𑒤𑒰𑒪𑒯𑒫𑓂𑒨𑒫𑒰𑒙𑓂 ।
𑒡𑒱𑒧𑒱𑒠𑓂𑒡𑒱𑒧𑒱𑒠𑓂𑒡𑒱𑒧𑒱𑒡𑓂𑒫𑒢𑒢𑓂𑒧𑒵𑒠𑒓𑓂𑒑𑒞𑒳𑒓𑓂𑒑𑒧𑒓𑓂𑒑𑒪
𑒡𑓂𑒫𑒢𑒱𑒏𑓂𑒩𑒧𑒣𑓂𑒩𑒫𑒩𑓂𑒞𑒱𑒞 𑒣𑓂𑒩𑒔𑒝𑓂𑒛𑒞𑒰𑒝𑓂𑒛𑒫𑓁 𑒬𑒱𑒫𑓁 ॥ 11 ॥

𑒠𑒵𑒭𑒠𑓂𑒫𑒱𑒔𑒱𑒞𑓂𑒩𑒞𑒪𑓂𑒣𑒨𑒼𑒩𑓂𑒦𑒳𑒖𑒓𑓂𑒑𑒧𑒾𑒏𑓂𑒞𑒱𑒏𑒮𑓂𑒩𑒖𑒼𑒩𑓂-
-𑒑𑒩𑒱𑒭𑓂𑒚𑒩𑒞𑓂𑒢𑒪𑒼𑒭𑓂𑒚𑒨𑒼𑓁 𑒮𑒳𑒯𑒵𑒠𑓂𑒫𑒱𑒣𑒏𑓂𑒭𑒣𑒏𑓂𑒭𑒨𑒼𑓁 ।
𑒞𑒵𑒭𑓂𑒝𑒰𑒩𑒫𑒱𑒢𑓂𑒠𑒔𑒏𑓂𑒭𑒳𑒭𑒼𑓁 𑒣𑓂𑒩𑒖𑒰𑒧𑒯𑒲𑒧𑒯𑒹𑒢𑓂𑒠𑓂𑒩𑒨𑒼𑓁
𑒮𑒧𑓀 𑒣𑓂𑒩𑒫𑒩𑓂𑒞𑒨𑒢𑓂𑒧𑒢𑓁 𑒏𑒠𑒰 𑒮𑒠𑒰𑒬𑒱𑒫𑓀 𑒦𑒖𑒹 ॥ 12 ॥

𑒏𑒠𑒰 𑒢𑒱𑒪𑒱𑒧𑓂𑒣𑒢𑒱𑒩𑓂𑒗𑒩𑒲𑒢𑒱𑒏𑒳𑒘𑓂𑒖𑒏𑒼𑒙𑒩𑒹 𑒫𑒮𑒢𑓂
𑒫𑒱𑒧𑒳𑒏𑓂𑒞𑒠𑒳𑒩𑓂𑒧𑒞𑒱𑓁 𑒮𑒠𑒰 𑒬𑒱𑒩𑓁𑒮𑓂𑒟𑒧𑒘𑓂𑒖𑒪𑒱𑓀 𑒫𑒯𑒢𑓂 ।
𑒫𑒱𑒧𑒳𑒏𑓂𑒞𑒪𑒼𑒪𑒪𑒼𑒔𑒢𑒼 𑒪𑒪𑒰𑒙𑒤𑒰𑒪𑒪𑒑𑓂𑒢𑒏𑓁
𑒬𑒱𑒫𑒹𑒞𑒱 𑒧𑒢𑓂𑒞𑓂𑒩𑒧𑒳𑒔𑓂𑒔𑒩𑒢𑓂 𑒮𑒠𑒰 𑒮𑒳𑒐𑒲 𑒦𑒫𑒰𑒧𑓂𑒨𑒯𑒧𑓂 ॥ 13 ॥

𑒃𑒧𑓀 𑒯𑒱 𑒢𑒱𑒞𑓂𑒨𑒧𑒹𑒫𑒧𑒳𑒏𑓂𑒞𑒧𑒳𑒞𑓂𑒞𑒧𑒼𑒞𑓂𑒞𑒧𑓀 𑒮𑓂𑒞𑒫𑓀
𑒣𑒚𑒢𑓂𑒮𑓂𑒧𑒩𑒢𑓂𑒥𑓂𑒩𑒳𑒫𑒢𑓂𑒢𑒩𑒼 𑒫𑒱𑒬𑒳𑒠𑓂𑒡𑒱𑒧𑒹𑒞𑒱𑒮𑒢𑓂𑒞𑒞𑒧𑓂 ।
𑒯𑒩𑒹 𑒑𑒳𑒩𑒾 𑒮𑒳𑒦𑒏𑓂𑒞𑒱𑒧𑒰𑒬𑒳 𑒨𑒰𑒞𑒱 𑒢𑒰𑒢𑓂𑒨𑒟𑒰 𑒑𑒞𑒱𑓀
𑒫𑒱𑒧𑒼𑒯𑒢𑓀 𑒯𑒱 𑒠𑒹𑒯𑒱𑒢𑒰𑓀 𑒮𑒳𑒬𑒓𑓂𑒏𑒩𑒮𑓂𑒨 𑒔𑒱𑒢𑓂𑒞𑒢𑒧𑓂 ॥ 14 ॥

𑒣𑒴𑒖𑒰𑒫𑒮𑒰𑒢𑒮𑒧𑒨𑒹 𑒠𑒬𑒫𑒏𑓂𑒞𑓂𑒩𑒑𑒲𑒞𑓀 𑒨𑓁
𑒬𑒧𑓂𑒦𑒳𑒣𑒴𑒖𑒢𑒣𑒩𑓀 𑒣𑒚𑒞𑒱 𑒣𑓂𑒩𑒠𑒼𑒭𑒹 ।
𑒞𑒮𑓂𑒨 𑒮𑓂𑒟𑒱𑒩𑒰𑓀 𑒩𑒟𑒑𑒖𑒹𑒢𑓂𑒠𑓂𑒩𑒞𑒳𑒩𑒓𑓂𑒑𑒨𑒳𑒏𑓂𑒞𑒰𑓀
𑒪𑒏𑓂𑒭𑓂𑒧𑒲𑓀 𑒮𑒠𑒻𑒫 𑒮𑒳𑒧𑒳𑒐𑒱𑓀 𑒣𑓂𑒩𑒠𑒠𑒰𑒞𑒱 𑒬𑒧𑓂𑒦𑒳𑓁 ॥ 15 ॥