Shri Uma Maheshwara Stotram with Meaning

|| shrIgaNeshAya namaH ||
namaH shivAbhyAM navayauvanAbhyAM
parasparAshliShTavapurdharAbhyAm |
nagendrakanyAvRRiShaketanAbhyAM
namo namaH sha~NkarapArvatIbhyAm || 1 ||

namaH shivAbhyAM sarasotsavAbhyAM
namaskRRitAbhIShTavarapradAbhyAm |
nArAyaNenArchitapAdukAbhyAM
namo namaH sha~NkarapArvatIbhyAm || 2 ||

namaH shivAbhyAM vRRiShavAhanAbhyAM
viri~nchiviShNvindrasupUjitAbhyAm |
vibhUtipATIravilepanAbhyAM
namo namaH sha~NkarapArvatIbhyAm || 3 ||

namaH shivAbhyAM jagadIshvarAbhyAM
jagatpatibhyAM jayavigrahAbhyAm |
jambhArimukhyairabhivanditAbhyAM
namo namaH sha~NkarapArvatIbhyAm || 4 ||

namaH shivAbhyAM paramauShadhAbhyAM
pa~nchAkSharIpa~njarara~njitAbhyAm |
prapa~nchasRRiShTisthitisaMhRRitAbhyAM
namo namaH sha~NkarapArvatIbhyAm || 5 ||

namaH shivAbhyAmatisundarAbhyAM
atyantamAsaktahRRidambujAbhyAm |
asheShalokaikahita~NkarAbhyAM
namo namaH sha~NkarapArvatIbhyAm || 6 ||

namaH shivAbhyAM kalinAshanAbhyAM
ka~NkAlakalyANavapurdharAbhyAm |
kailAsashailasthitadevatAbhyAM
namo namaH sha~NkarapArvatIbhyAm || 7 ||

namaH shivAbhyAmashubhApahAbhyAM
asheShalokaikavisheShitAbhyAm |
akuNThitAbhyAM smRRitisambhRRitAbhyAM
namo namaH sha~NkarapArvatIbhyAm || 8 ||

namaH shivAbhyAM rathavAhanAbhyAM
ravInduvaishvAnaralochanAbhyAm |
rAkAshashA~NkAbhamukhAmbujAbhyAM
namo namaH sha~NkarapArvatIbhyAm || 9 ||

namaH shivAbhyAM jaTilandharAbhyAM
jarAmRRitibhyAM cha vivarjitAbhyAm |
janArdanAbjodbhavapUjitAbhyAM
namo namaH sha~NkarapArvatIbhyAm || 10 ||

namaH shivAbhyAM viShamekShaNAbhyAM
bilvachChadAmallikadAmabhRRidbhyAm |
shobhAvatIshAntavatIshvarAbhyAM
namo namaH sha~NkarapArvatIbhyAm || 11 ||

namaH shivAbhyAM pashupAlakAbhyAM
jagatrayIrakShaNabaddhahRRidbhyAm |
samastadevAsurapUjitAbhyAM
namo namaH sha~NkarapArvatIbhyAm || 12 ||

stotraM trisandhyaM shivapArvatIbhyAM
bhaktyA paTheddvAdashakaM naro yaH |
sa sarvasaubhAgyaphalAni
bhu~Nkte shatAyurAnte shivalokameti || 13 ||
|| iti shrI sha~NkarAchArya kRRita umAmaheshvara stotrama ||
Adya guru shaMkarAchArya rachita umA maheshvara stotra