आदि शंकराचार्य कृत नारायण स्तोत्र - Narayana Stotram Sanskrit Lyrics by Adi Shankaracharya

आदि शंकराचार्य कृत नारायण स्तोत्र - Narayana Stotram Sanskrit Lyrics by Adi Shankaracharya
नारायण नारायण जय गोविन्द हरे ॥
नारायण नारायण जय गोपाल हरे ॥
करुणापारावार वरुणालयगम्भीर नारायण ॥ १ ॥
घननीरदसङ्काश कृतकलिकल्मषनाशन नारायण ॥ २ ॥
नारायण नारायण जय गोविन्द हरे...
यमुनातीरविहार धृतकौस्तुभमणिहार नारायण ॥ ३ ॥
पीताम्बरपरिधान सुरकल्याणनिधान नारायण ॥ ४ ॥
नारायण नारायण जय गोविन्द हरे...
मञ्जुलगुञ्जाभूष मायामानुषवेष नारायण ॥ ५ ॥
राधाधरमधुरसिक रजनीकरकुलतिलक नारायण ॥ ६ ॥
नारायण नारायण जय गोविन्द हरे...
मुरलीगानविनोद वेदस्तुतभूपाद नारायण ॥ ७ ॥
वारिजभूषाभरण राजीवरुक्मिणीरमण नारायण ॥ ८ ॥
[बर्हिनिबर्हापीड नटनाटकफणिक्रीड नारायण]
नारायण नारायण जय गोविन्द हरे...
जलरुहदलनिभनेत्र जगदारम्भकसूत्र नारायण ॥ ९॥
पातकरजनीसंहार करुणालय मामुद्धर नारायण ॥ १० ॥
नारायण नारायण जय गोविन्द हरे...
अघ बकहयकंसारे केशव कृष्ण मुरारे नारायण ॥ ११ ॥
हाटकनिभपीताम्बर अभयं कुरु मे मावर नारायण ॥ १२ ॥
नारायण नारायण जय गोविन्द हरे...
दशरथराजकुमार दानवमदसंहार नारायण ॥ १४ ॥
गोवर्धनगिरि रमण गोपीमानसहरण नारायण ॥ १५ ॥
नारायण नारायण जय गोविन्द हरे...
सरयुतीरविहार सज्जन​ऋषिमन्दार नारायण ॥ १६ ॥
विश्वामित्रमखत्र विविधवरानुचरित्र नारायण ॥ १७ ॥
नारायण नारायण जय गोविन्द हरे...
ध्वजवज्राङ्कुशपाद धरणीसुतसहमोद नारायण ॥ १८ ॥
जनकसुताप्रतिपाल जय जय संस्मृतिलील नारायण ॥ १९ ॥
नारायण नारायण जय गोविन्द हरे...
दशरथवाग्धृतिभार दण्डक वनसञ्चार नारायण ॥ २० ॥
मुष्टिकचाणूरसंहार मुनिमानसविहार नारायण ॥ २१ ॥
नारायण नारायण जय गोविन्द हरे...
वालिविनिग्रहशौर्य वरसुग्रीवहितार्य नारायण ॥ २२ ॥
मां मुरलीकर धीवर पालय पालय श्रीधर नारायण ॥ २३ ॥
नारायण नारायण जय गोविन्द हरे...
जलनिधि बन्धन धीर रावणकण्ठविदार नारायण ॥ २४ ॥
ताटकमर्दन राम नटगुणविविध सुराम नारायण ॥ २५ ॥
नारायण नारायण जय गोविन्द हरे...
गौतमपत्नीपूजन करुणाघनावलोकन नारायण ॥ २६ ॥
सम्भ्रमसीताहार साकेतपुरविहार नारायण ॥ २७ ॥
नारायण नारायण जय गोविन्द हरे...
अचलोद्धृतचञ्चत्कर भक्तानुग्रहतत्पर नारायण ॥ २८ ॥
नैगमगानविनोद रक्षित सुप्रह्लाद नारायण ॥ २९ ॥
[भारत यतवरशङ्कर नामामृतमखिलान्तर नारायण]
नारायण नारायण जय गोविन्द हरे नारायण ॥
नारायण नारायण जय गोपाल हरे नारायण नारायण नारायण ॥
इति श्रिमच्छङ्कराचार्य विरचितं नारायण स्तोत्रं सम्पूर्णम् ॥

Let's Connect

Let's Connect